喵一下 (Moved) New Location

香港多數台灣料理店千篇一律都係鹽酥雞、牛肉麵、滷肉飯呢類嘅食物，但呢間店就主打台灣嘅家常小菜，好多菜式都係用傳統地道嘅烹調方法，非常特別。餐廳係悠閒、文青嘅風格，室內用了很多書本、懷舊嘅擺設，室外就擺放左很多植物、舊式風扇、沙發躺椅，非常愜意舒服，好適合同朋友一齊來聚舊傾計。餐廳嘅餐具亦都很有心思，刻上了貓咪圖案同句子。豆乳雞外皮炸得香脆可口，雞肉嫩滑，食起來有淡淡豆乳香味，味道鹹鹹地，很不錯！台式醉雞呢道菜很像藥膳。每一片雞肉都係薄切，聞起來有一股濃濃酒香，食起來亦夾雜淡淡的藥材味道，很特別。麻婆豆腐豆腐整成圓形一小塊，一啖過就食到。豆腐係玉子豆腐，口感非常軟滑，配搭不算太辣的麻婆醬，很惹味。樹子水蓮水蓮係台灣特有嘅蔬菜，配以蒜蓉炒，聞落同食落都有D似炒通菜嘅味，好有風味！肉鬆蛋餅蛋餅非常出色。外皮透薄，蛋煎得剛剛好，半生半熟嘅狀態，食嘅時候有蛋汁流出，內裏包住甜甜嘅肉鬆，好好食！