安平燒肉

Open Now

Now Closed

餐廳位於旺角創興，供應四款套餐嘅120分鐘燒肉放題，嚴選多款高質嫩肉，炮製各種台灣夜市小食，仲有自家製特色飲品，環境闊落，空間感十足，價錢合理，地點方便，值得到訪😃肉類款式眾多，回本之選包括澳洲M5和牛肩胛肉同安格斯牛小排，前者脂肪平均又夠肉汁，後者口感軟嫩重牛肉味🐮 醃製過嘅雞同豬都值得一試，薑汁、鹽蒜麻油、醬燒、黑椒、咖喱、辣味等，香口惹味，有落功夫🙈 雞同豬都幾嫩，不過記得要睇火候！另外有海鮮，海蝦大大隻，啖啖肉，咬落爽口彈牙、帆立貝放上牛油粒、燒蠔灑滿蒜蓉、呢幾款都encore咗唔少次，有驚喜🦐 主食有櫻花蝦乾拌手工麵同自製紫菜/櫻花蝦/蔥/滷汁飯，建議可以包住生菜食，健可以中和整體油膩感～ 大大力推介呢度嘅小食，超級鐘意小香腸、小枕頭同豬肉乾，越係致癌嘅越好食🥹 另外比較印象深刻嘅包括鹽酥雞、梅山炸薯、海苔蝦卷、金沙苦瓜、燒魚腹、芝士鵪鶉蛋同小黃瓜🥒 最後以雪糕作結，美味又滿足嘅一餐～