圓山台灣料理 (Closed)

之前都聽過圓山好耐，以為都係得台灣麵嗰啲。點知原來佢有好多台式小菜提供，咁晚餐就試下依間。餐廳位置係美麗華附近，十分方便。以為平日會冇咩人黎，點知都坐到滿晒，好彩我地放工就即刻出黎食飯，都唔需要等位入座。一坐低，店員會即時遞上青瓜前菜同熱茶。而我地揀左自選四款小菜：三杯雞一上菜已經香味撲鼻，味道調得剛剛好，唔會太鹹但十分惹味。醬汁濃郁，撈飯食好好味～脆皮腸炸得好脆但冇油，完全做到外脆內軟的口感！台灣a 菜菜炒得唔會好油，味道幾清甜。平時都唔多食菜，但依碟我食左一大半。沙茶牛肉牛肉肉質嫩口同沙茶醬配合得好好。台南擔仔麵原以為冇咩特別，純粹叫黎送下啲小菜食。點知佢湯底好有肉味又唔油膩，少許微辣帶點茹香，唔錯！台式肉燥飯朋友叫左肉燥飯，大讚肉燥油香味濃郁，肉燥入口即溶，似足佢係台灣食過的味道！餐廳食物份量好夠，唔係啲細細碟的菜式。兩個人真係食到好飽好正，見佢餐牌仲有好多菜式好想食，下次會埋帶屋企人黎食多次～