8Five2 Restobar

Open Now

Now Closed

我一向都鍾意食墨西哥美食🇲🇽，朋友提議不如去尖沙咀嘅「8Five2 Restobar」，佢話應該會幾啱我口味咁話喎😛。原來我經過餐廳好多次，但之前一直以為係普通酒吧，實則上內有乾坤！網上訂枱有折扣優惠，大家唔好錯過🈹，再加上餐廳人氣好高，唔訂位的話好大機會要等位。Buffalo Chicken Nachos雞肉墨西哥脆玉米片($120)，先嚟Nachos打響頭炮，我哋無諗過佢會咁大碟😳，平日佐酒小食嚟啫嘛。環境好暗，但都清晰見到粟米片有紅黑兩色，雖然食落就無乜分別。粟米片暖暖哋，脆卜卜，並無攤到過晒氣。🐔雞肉份量好多，水牛城燒烤口味微微辣好惹味，佢同時亦加入咗芝士醬同墨西哥辣椒，成個組合夾埋食一啲都唔覺膩。Spinach, Nopales, Cheese Quesadilla芝士菠菜墨西哥酥餅($118)，🌮Quesadilla係我最常食嘅一種，但我敢講呢度嘅出品係我食過數一數二出色。佢熱辣辣送上，流心芝士混入菠菜蓉一解其他菜式嘅重口味，當中更加入咗好特別嘅仙人掌肉🌵。夾餅皮做得到酥脆嘅效果，實屬難得。夾餅配以三款特色醬汁，包括蕃茄莎莎、牛油果辣醬同乳酪🥛，後者係我心水，酸酸哋好開胃。