Video
Read full review
2023-03-24
936 views
自從開通左南港島線後，入香港仔/鴨脷洲就方便好多~ 同家人行完山就黎到西邨街市覓食，估唔到係街市一樓中有間乾淨企理既大排檔，有齊海鮮/中菜/泰菜/潮州野食，仲有新加坡風味既白胡椒蟹食，呢餐有驚喜呀😍餐廳設有室內外座位，裝潢以藍白色為主，幾有地中海風情。雖然餐廳位於街市頂樓，但係乾淨衛生，地方寬敞，用餐環境舒適。♢ 🦀招牌白胡椒蟹 $598我地一行四人都想試招牌菜，果然好正🤤 上菜時鐵板發出滋滋聲，一斤半重既菲律賓大肉蟹新鮮熱辣辣送上🔥 我地著定圍裙，望住店員淋上白胡椒汁，煙霧繚繞，香氣四溢！廚師好貼心咁將蟹鉗破好殼，好輕易就可以食到肥美鮮甜既蟹肉，而且掛滿醬汁，微辣既白胡椒味道非常惹味！就算唔食辣都可以輕易carry到~ btw D醬汁咁正唔好浪費，我地叫左幾個白飯，用黎撈飯一流！♢ 金沙鮮魷 $128黎得大排檔當然要叫有穫氣既小炒啦~ 呢碟金沙鮮魷十分推介！炸粉唔會過厚，香脆可口，鮮魷爽口彈牙~ 配上金沙咸蛋黃醬鹹鹹香香咁，好香口！♢ 泰式燒雞(半隻) $138即叫即燒，夠哂新鮮熱辣辣~ 雞皮燒至金黃色，帶有少少焦香，呢種口感勁正！雞皮香滑脆身，保持到滿滿肉料，點埋附送既泰式辣醬更加
餐廳設有室內外座位，裝潢以藍白色為主，幾有地中海風情。雖然餐廳位於街市頂樓，但係乾淨衛生，地方寬敞，用餐環境舒適。
♢ 🦀招牌白胡椒蟹 $598
我地一行四人都想試招牌菜，果然好正🤤 上菜時鐵板發出滋滋聲，一斤半重既菲律賓大肉蟹新鮮熱辣辣送上🔥 我地著定圍裙，望住店員淋上白胡椒汁，煙霧繚繞，香氣四溢！廚師好貼心咁將蟹鉗破好殼，好輕易就可以食到肥美鮮甜既蟹肉，而且掛滿醬汁，微辣既白胡椒味道非常惹味！就算唔食辣都可以輕易carry到~ btw D醬汁咁正唔好浪費，我地叫左幾個白飯，用黎撈飯一流！
♢ 金沙鮮魷 $128
黎得大排檔當然要叫有穫氣既小炒啦~ 呢碟金沙鮮魷十分推介！炸粉唔會過厚，香脆可口，鮮魷爽口彈牙~ 配上金沙咸蛋黃醬鹹鹹香香咁，好香口！
♢ 泰式燒雞(半隻) $138
即叫即燒，夠哂新鮮熱辣辣~ 雞皮燒至金黃色，帶有少少焦香，呢種口感勁正！雞皮香滑脆身，保持到滿滿肉料，點埋附送既泰式辣醬更加香口惹味！咁好食其實叫半隻唔夠分，4個人叫一隻應該會充足D~
♢ 馬拉盞炒通菜 $88
經典泰式小炒，大量XO醬絕不手軟，鹹香惹味！通菜新鮮爽脆，送飯一流。
♢ 藍妹啤酒(大支) $36
呢度咁好氣氛飲返杯先~ 酒水價錢都合理，仲配有戰鬥碗飲酒，好有港式風味！
♢ 青檸梳打 $25
簡單一杯青檸梳打清新解渴，怕辣蟹可以點返杯~
♢ 晚市茗茶 $10/位
開茶會收茶錢，另有加一服務費。店員服務唔錯，會主動添茶換碟。
Post
