蟹點

Open Now

Now Closed

距離海洋公園站只有三個站, 到達海怡半島, 出地鐵後步行約兩分鐘, 抵達呢間主打泰粵小炒嘅「蟹點」食dinner。餐廳環境寬敞舒, 適合大小聚會, 更設有戶外座位、自設魚缸, 供應多種海鮮。食物款式選擇多, 泰菜、粵式小炒, 款式令人花多眼亂。同時更供應晚飯孖寶同埋大眾點評優惠券, 更為抵食!!而最最最吸引當然係呢度嘅招牌菜---白胡椒蟹, 不得不點!【招牌白胡椒蟹】HK$628大大隻蟹斬件整齊放於熱辣辣鐵板上, 上檯後隨即淋上白胡椒醬, 滋滋聲同時散發陣陣白胡椒香氣; 蟹被預先拖油過, 鎖住了原汁原味, 能拆出梳梳蟹肉, 白胡椒醬令味道更加提鮮, 微辣惹味, 令人回味。【豉汁蒸白鱔】HK$148 鱔皮爽肉嫩, 爽彈有鮮味, 配上鹹甜豉汁, 鮮味十足!【星洲炒米】HK$78炒得好有穫氣, 米線沒有半點油膩, 咖哩味偏淡, 本身自己係愛辣之人, 如果味道再辣一D會更好。米線中仲配有蛋碎、肉絲、芽菜、蔥、爽蝦等, 豐富了口感層次。【芒果沙冰】HK$39沙冰打得幼細, 入口即溶, 芒果同甜度偏淡, 唔會死甜。

這間中菜館位於鴨脷洲西邨街市，鄰近海怡半島站，主打泰粵小炒。店內環境寬敞舒，設有戶外座位，以藍白色為主調，擺放船舵及水抱等船上物品作裝飾，適合多人聚會。最近與海鮮公園合作「食本地鮮」活動，凡惠顧指定菜品，可獲贈送蟹點餐飲優惠卷。招牌白胡椒蟹 - $628超大隻新鮮本灣肉蟹，蟹身裡面肉質肥厚，蟹鉗又肥美飽滿，蟹蓋上更有豐富的蟹膏好甘香，有絲滑的口感。以熱呼呼的鐵板保持溫度，淋上自家秘製的白胡椒醬汁，香辣惹味，辣而不嗆，同時能突出螃蟹的鮮味，啖啖都是蟹鮮味。本地雞蛋蒸花甲皇 - $128中式蒸蛋採用本地雞蛋特別新鮮，如絲綢般滑順，鋪滿大量花甲，鮮甜無沙。泰式豬頸肉炒乾河 - $78煙韌彈牙的河粉染上鹹香的醬油，一片片豬頸肉有著豐富的油脂，特別軟滑爽彈，還有紅蘿蔔及芥蘭菜等。椰青 - $45大大個椰子有著清甜且解熱生津的椰青水，微涼好清爽，厚厚的椰子肉嫩滑鮮甜。 珍多冰 - $25香甜的椰奶好順滑，有一條條綠色粉條好軟滑，以糯米粉製成，帶淡淡斑蘭葉香。

最近去咗鴨脷洲一間專食蟹嘅專門店，呢度環境優雅，設有戶外雅座，真係非常寫意。餐廳自設魚缸，提供新鮮嘅海鮮，食物選擇豐富，非常適合聚會同晚飯聚會。**招牌白胡椒蟹**：蟹非常之大，非常之足料，用鐵板承載，熱辣辣，蟹肉質鮮嫩，大啖大啖好有口感，白胡椒香味四溢，味道獨特**西蘭花炒帶子**：帶子鮮甜爽口，西蘭花清脆，炒得非常合味，口感層次分明。**滑蛋炒蝦球**：蝦球肉質彈牙，滑蛋嫩滑香濃，兩者結合，味道鮮美餐廳除咗招牌蟹，仲有羊腩煲，餐廳仲話我知，原來有大众点评優惠添，等下次冬至期間，我都同屋企人一齊食先

去完海洋公園咁近香港仔鴨脷洲梗係去食海鮮啦。朋友就介紹咗間餐廳俾我哋專食海鮮。喺鴨脷洲海怡半島站A出口一出就望到，揸車嘅就可以泊喺隔離鴨脷洲商場停車場。呢間餐廳叫做蟹店，咁梗係專係食蟹啦，佢哋有自己嘅魚缸，仲有其他海鮮可以揀，無論粵式同泰式都有，今次就試吓佢哋嘅招牌白胡椒大肉蟹。$628隻，都重斤半以上㗎。鐵板相上枱就冧埋啲白胡椒汁落去非常之香。這鉗又夠大隻真係啖啖肉。另外由於飲啤酒嘅關係又叫咗一碟滷水鵝肝送下酒。佢唔係好亂，但係就入晒味。旁邊仲有啲花生添。另外佢哋仲有露天座位啊咁冬天喺出面食就更加有風味啦。

又係一年一度Halloween啦！每年都會入海洋公園玩一日，今次去完海洋公園，我哋就搭地鐵過咗鴨脷洲，因為呢度有間食蟹好出名嘅餐廳。位於街市樓上，但係十分乾淨，仲有戶外座位，不過我呢日落雨，開放嘅座位唔多，呢度啲海鮮好新鮮，因為佢哋自設魚缸。一上到嚟，全場滿座，好熱鬧嘅大排檔，但係地方夠大，唔會感覺好逼。我哋嗌咗避風塘炒辣蟹（大蟹） $648呢度最出名食蟹，梗係要嗌翻個蟹嚟食下啦！肉蟹新鮮大隻好多肉，加埋大量炸蒜，真係好惹味。招牌脆皮咕噜肉 $108阿女最鍾意嘅，今次咕嚕肉仲有埋新鮮菠蘿喺旁邊，咕嚕肉脆皮又好食。瓦罉煎焗大魚咀(兩邊起每邊$68魚頭大大件，配埋洋蔥等配菜，送飯一流。泰國勝獅啤酒(大支裝)$33 食大排檔梗係要有啤酒啦，仲要加埋戰鬥碗，真係特別暢快。地址 : 鴨琍洲西村街市一樓 （港鐵海怡半島站A出口） （鴨琍洲商場停車場可供泊車） 營業時間 : 11:00am - 12:00pm 。 #海洋公園 #海洋公園哈囉喂 #哈囉 喂全園祭2024 #厲鬼圍城 #亡了忘 不了 #城寨 #門票正式預售 #OceanPark

一向鍾意食海鮮，前排同朋友去完海洋公園，順便遊港島南食海鮮！ ❣️大排檔格局但好企理地食海鮮，有魚缸，海鮮保證新鮮，可以選擇泰菜、中菜，海鮮同其他款手都多，有戶外同室內位❣️肉蟹真係超級大隻，啖啖肉超滿足，係必點之選！（ps最近仲有海洋公園本地鮮款式可以選擇） 🦀咖喱大肉蟹 $628/一斤半- 真係超級大隻，啖啖肉好滿足。點上滿滿泰式咖喱加蛋香，texture夠曬rich！大大啖食鮮甜蟹肉真心正！下次再黎試下其它做法嘅蟹，譬如招牌白胡椒蟹/避風塘炒辣蟹/薑蔥炒蟹/辣椒膏炒蟹/泰式粉絲蟹煲/冬陰功乾炒蟹 🥚本地雞蛋蒸花甲$138- 大大碟份量十足，蛋蒸到好滑，底部全部係花甲，花甲都幾厚肉 ✨冬蔭功海鮮炒飯$88- 抵食之選！炒飯粒粒分明，味道酸辣又多配料，有好多海鮮粒粒如八爪魚、青口等，推介！ 最念念不忘當然係隻大蟹🦀，會bookmark再去嘗鮮！

去鴨脷洲食飯真係冇乜嘢好揀，小炒店寥寥可數，不過鴨脷洲西邨呢間蟹點又真係幾唔錯串燒拼盤叫咗半豬半雞，個人鍾意雞肉多啲，爽口彈牙啲記得要點沙嗲醬，好濃郁嘅花生味，就食到粒粒嘢，花生碎滷水拼盤拼盤勁大份又足料，6-8人share都無問題鵝片滷的又淋又入味，底下的豆腐亦好入味冰糖咕嚕肉咕嚕肉真系必叫好有驚喜面層有層薄薄脆脆的冰糖甜甜地好正，裏面的咕嚕肉熱辣辣兩種口感好得意黃金大蝦黃金大蝦好重咸蛋黃味，咸咸地好香大蝦炸完逼左D蝦油出黎，更加香粉絲雜菜煲食左咁多野都要叫留D清淡健康野中和下

每逢十月初都會去海洋公園哈囉喂玩完要搵好野食，靠海食海梗係係本地搵海鮮食，原來喺鴨脷洲開咗間港式大排檔仲有海鮮食，搭地鐵3個站就去到，呢到仲有車巴士出旺角同中環夠哂方便仲可以睇下夜景，如果揸車去附近就有停車場泊車，食完飯仲有得平返d泊車錢餐廳地方闊落，室內有冷氣，室外有大排檔氣氛得黎有頂又唔怕會落雨，樓底夠哂高，一入門口有個大魚缸揀海鮮，旁邊就有潮式鹵水，周圍仲貼滿各種小炒既照片，令人食欲大增，款式五花八門食多幾次都唔會悶我地三個人叫左唔係好多野招牌白胡椒蟹（大蟹）用個鐵板上，一黎到淋上醬汁先刺激嗅覺同視覺，鐵板上食到尾都仲係熱辣辣，蟹肉鮮甜結實，醬汁惹味香辣原隻脆皮炸豬手，起哂肉切好哂大大舊，皮脆肉嫩最適合送啤酒招牌脆皮咕嚕肉，醬汁掛身加上香口脆皮，肉嫩多汁，配上新鮮菠蘿減輕油膩感芒果蟹肉炒飯，芒果鮮甜多汁，陪上滿滿嘅蟹肉，乾身嘅炒飯，真係食到一碗接一碗配埋大排檔文化-戰鬥碗，真係飲得特別暢快地址：鴨脷洲西邨街市一樓(港鐵海怡半島站A出口)(鴨脷洲商場停車場可供泊車)營業時間：11:00am - 12:00pm#海洋公園 #海洋公園哈囉喂 #哈囉喂全園祭2024 #厲鬼圍城 #亡了忘

我哋作為南區之友真係成日去蟹點食飯🦀蟹點份量充足佢哋仲自設魚缸海鮮夠哂新鮮🐟而家佢哋仲可供多種類食物連泰菜都有🇹🇭真係想食咩都有得食另外置有戶外雅座啱哂鍾意坐戶外嘅朋友而且鄰近海洋公園 可以玩完一家大細過嚟食就啱啱好👍🏻今次我哋就叫咗🔺薑蔥炒蟹🦀🔺本地雞蛋蒸花甲🔺蒜蓉粉絲蒸聖子皇🔺招牌脆皮咕嚕肉每碟餸都好足料大大碟👍🏻大人就最欣賞炒蟹🦀炒得好香 🦀大大隻又好肉仔仔就最欣賞咕嚕肉外脆內淋 拎嚟送飯一流☺️下次要再嚟食過

昨天晚上在餐廳食飯一肚氣。首先，叫了兩碗白飯等了很久還未到，於是向一名男侍應查詢。男侍應第一句就問：「你同邊個落單？」，跟住走開了！請問我是否要記住幫我下單的侍應，直接向他追單？經多次向不同侍應追單後，兩碗白飯最終在1 5分鐘後送到，餸菜可以凍曬！更離譜的是，當甜品送到時，我們發現並非我們點的甜品。於是向一名貌似老板娘的女士反映。該女士好大聲話我們點的甜品「要等好耐」，明顯是希望我們接受餐廳做錯的甜品。當我們拒絕後，該女士一聲不響走開。由於該女士表示我們想食的甜品「要等好耐」，我們決定不再等，起身走到收銀處結帳。結帳時要求餐廳將甜品的金額扣除，該女士突然表示甜品已準備好，並將甜品拿到我們面前！當時我們已經離開餐枱，部份人更已離開餐廳，所以表示不需要。該女士表示甜品已做好，堅持要收費。經過一輪爭論後，該女士才不情不願地同意扣除甜品價錢。在我看來，整件事已經不是服務態度問題，是誠信問題！餐廳落錯單很平常，說聲「唔好意思」，相信大部份食客都會接受！令人難以接受的是餐廳用一個謊言去掩蓋自己的錯誤，當乘客拒絕接受他們的錯誤時，又立即表示錯誤已經更正，要求客人接受。最近經常講香港人北上消費影響餐廳

阿美鴨脷洲街市海鮮之旅🦀🍤鴨脷洲西邨街市有一間叫做「蟹點」嘅海鮮大排檔，阿美最近去咗試，真係唔試唔知，一試嚇一跳！嗰度嘅海鮮又平又抵食，仲要夠晒新鮮。阿美點咗幾款招牌菜，以下係佢嘅體驗分享。招牌白胡椒炒蟹（大蟹） - $628 🦀🔥呢道菜真係不容錯過！白胡椒蟹啲味道同阿美之前喺新加坡食過嘅差唔多，甚至仲好味啲！隻蟹好新鮮，肉質豐滿，白胡椒味非常出色，有啲辣但又唔會太刺激，食落去感覺好舒服。呢個真係必試之選，絕對係舖頭嘅招牌菜。👍🌟金沙黃金蝦 - $108 🍤✨黃金蝦係其中一道大家成日食嘅菜，但呢度嘅黃金蝦真係有驚喜。蛋黃味突出，但又唔會太油膩，唔似其他地方嗰啲碟底鋪滿油，食落去感覺好健康。蛋黃落得啱啱好，淡淡金沙味道真係超正。👌🥳蟹點小炒王 - $108 🍲👌每次去到新嘅地方，阿美都會試下佢哋嘅小炒王，呢度嘅小炒王真係正！入面嘅海鮮都係新鮮貨，絕對唔係雪藏貨，仲好有鑊氣。韭菜嘅味道啱啱好，唔會過腦，阿美覺得非常滿意，對呢度嘅師傅好有信心。👏👨‍🍳總括嚟講，蟹點真係一個值得推薦嘅地方，海鮮新鮮又美味，價錢亦都合理，真係要試過先知。下次去鴨脷洲，唔好錯過呢度嘅美食呀！😋🎉🍽️📍 蟹點 (鴨脷

今日經過海怡，係Openrice搵到呢間中菜，叫左個花甲蒸水蛋，避風塘炒蝦，金沙鮮魷，砂鍋蔥油雞。金沙鮮魷無乜咸蛋黃味，不建議叫。花甲蒸水蛋份量很大份，可惜花甲有啲都有沙。避風塘炒蝦則最出色，整體來講，味道呢個價錢都尚算可以。最後最令人失望嘅係我哋一早落咗單過咗40-50分鐘都仲未出到個砂鍋蔥油雞，後尾我哋話如果未出就唔要啦，因為基本上已經食完其他嘅嘢食連白飯都食晒唔，然後叫佢哋話未做就唔要，點知佢哋都夾硬要落，最後又要等多10幾分鐘先有碟雞出嚟，最後我哋食都冇食過就直接打包。總體嚟講，呢個價錢性價比OK，但服務強差人意，唔值得特登走過來食。

疫情時大家都話去行山，疫情過去唔知大家仲有無行山呢？ 前幾日好天，朋友捉左我去鴨脷洲，同我行左一轉玉桂山⛰️，位於利東邨同海怡半島的短途山徑，遠望南丫島風景，真係風景如畫🖼️行完山肚餓，就去搵食，行下路經見到啲間個名好正！就入去食，佢原來除左中菜仲有泰菜，岩曬我地🥰🥰🔆 泰式粉絲蟹煲（大蟹）以泰式秘製醬汁，配以薑蔥炒新鮮本灣大肉蟹🦀！肉蟹好肥美又超大隻、有膏之餘仲要啖啖肉！醬汁野味吸引，配埋粉絲真係一流😋🔆薑蔥瓦罉焗長江鰵魚（例）薑蔥鰵魚🐟煲，營養價值比普通魚高、而且鰵魚肉質鮮嫩、甜美，食落比普通魚腩煲更好味！🔆椒鹽八味脆皮豆腐粒炸豆腐，個皮炸到金黃色之餘仲脆卜卜，而內𥚃豆腐好軟滑，又有豆味！配上椒鹽，應該配酒一流，可惜我唔飲酒🤣🤣🔆西瓜沙冰行山行到熱辣辣，梗係叫聲杯凍飲醒醒神！西瓜沙冰飲得出無溝糖水，西瓜味濃，真係消暑解渴！👍🏻👍🏻👍🏻而家餐廳仲同海洋公園合作「食本地鮮」活動，凡惠顧指定菜品，可獲贈送蟹點餐飲優惠卷😋

一行六人去完水上樂園大家餓到暈朋友介紹去食蟹點，距離唔使十分鐘的士鴨脷洲一間頗出名嘅小菜館，大家食得好盡興，小菜值得推介小炒王，好多料，咸咸香香今日餐廳推介，自己覺得唔夠辣呢個金銀蛋菜苗，非常出色，湯底夠味，平時唔食呢種菜苗都畀我清曬鐵板黑椒牛仔骨，正常嘢一般般豉油王鵝腸，夠曬香，如果份量再多啲就更好呢個牛雜煲都有驚喜，全部都大大舊好新鮮紅燒乳鴿，比較妙齡今日最推介嘅一道菜菠蘿咕嚕肉新鮮菠蘿配上好脆卜卜嘅咕嚕肉好有驚喜會返兜場內仲有原漿啤酒，正常價錢，可以一試另外仲叫咗椒鹽鮮魷冇影相，都係好好味嘅

自從鴨脷洲街市翻身後,位於一樓的蟹點便成為家庭節日聚餐首選,皆因地方光潔寬敞,冷氣充足,亦有泰式粵菜,即叫即炒,選擇多!特別是最令人回味的招牌大肉蟹!試過就知道～🔸避風塘炒辣蟹（$648）🔸福建炒飯($68)🔸泰式炸蝦餅($88)炒蟹好足料,重成一斤半!蟹鉗有如拳頭般大,蟹肉鮮味十足,既帶鮮甜,而且入口彈牙.加上避風塘椒鹽配料,香口而不辣! 福建炒飯配料多,醬汁濃稠.炒飯底有鑊氣! 炸蝦餅即叫即炸,件件彈牙~除咗泰式越式菜,更有潮州拼盤等,選擇繁多,多次回訪都吃不厭~