梁記餃子麵坊 (Closed)

好鐘意食面，日日都要食返碗。行過朗屏見呢間梁記餃子好地道親民，膽粗粗走入去。餃子係即包即煮既，見到佢攤哂d皮呀餡呀係廚房門口；$31有一碗熱騰騰即製餃子配上海面（好特別，粗身又爽口），冬天食真係好舒服。味道好唔錯，料好足。但辣油唔係好夠香，一味辛辣😩美中不足。一到午餐時間好熱鬧，好多人排隊，又有好多人等外賣；座位狹窄，唔太舒服。但野食搭救啦，呢個價錢想點～～呢d地道小店買少見少，值得支持！！P.S.見到好多人叫炸豬排，應該都唔錯，可以再戰！