十八座狗仔粉

Open Now

Now Closed

天氣開始凍就會想食辣同埋暖粒粒嘅嘢。咁啱唱完K就想掃下街。叫咗碗招牌火鴨翅佢話係用四隻燒鴨煲足4小時秘製。 呢碗嘢都足料嘅， 每一羹都食到好多鴨肉絲，同佢好傑身，唔會話係淡茂茂亦唔會過鹹。仲有麻辣魚蛋 魚蛋普普通通，有8粒，係啲細粒偏硬身嘅魚蛋。原來呢個唔係好食辣嘅人都只係覺得啲魚蛋少少辣。如果真係想食麻辣嘅朋友，佢係完全滿足唔到。 試左佢嘅自家製菜圃，原味個個又真係幾好食嘅,好爽口，酸甜度啱啱好。麻辣菜圃辣到痴線，佢係有啲辣椒粉鋪喺菜譜嘅面上面， 唔食得辣嘅我冇咩事我唔會食。