Mega-1 (Closed)

今日同屋企人落街食飯 行行下見到呢間新餐廳，門面幾四正正， 係食美式既餐廳，我點都要幫趁下既。入到去見到張美式波檯，好似可以比人玩的，張波檯好新淨，幾正。張餐牌幾清晰， 我點左道日式炸蠔， 係店員推介嘅，因為聽店員介紹係由廣島新鮮運到，真係幾大隻又好新鮮，咬入口有好香濃既蠔味，外層麵粉亦得好鬼脆，3隻真係吾夠食呀。再黎多個小食combo，有炸魚薯條雞串雞翼，基本既美式小食梗係指定動作要食啦。全部炸得脆卜卜， 特別雞翼外層脆，內裡雞肉好嫩滑，正宗比到我既美式街頭小食feel。Ham 沙律，Ham 咸咸地甘甘地溝埋沙律菜，芝士片等都幾開胃，而且ham都落足料架，塊塊都有番甘上下大塊，絕對抵食。主角啦，我既至愛美式漢堡，我目測又成5吋高，好厚又高，牛肉漢堡又厚又大塊，入口好有牛味而且肉質嫩滑，有肉汁滲出來添。漢保包皮有少少脆，應該係焗過既，夠細心，甘樣會好味好多架。薯條係用薯仔自已整既，夠哂薯味，感覺好正。Washington Sakura整體來說，真係幾好味既美式餐廳，價錢合理啦，最正係有得督波係吾錯既，下次我一定再來。