嘉兵衛 (Moved) New Location

元朗開左好多年嘅小店，主打日式家庭料理，感覺就好似去日本時隨便揀一間餐廳入去嗰種，好簡單好普通，通常唔會係大家pocket list入面想去嘅餐廳。野食方面揀咗親子丼定食，有三款前菜有個飯。前菜印象深刻啲嘅係個明太子沙律，我以為明太子會溶入個沙律醬度，點知佢真係角切明太子加沙律醬，明太子唔會太咸，好味！另外兩款前菜食完都唔係好記得😂至於個飯，都好食嘅，蛋汁份量剛剛好，味道亦都唔錯，唯一不足係啲雞肉有啲肥，而我本身又唔鍾意食肥肉，但整體而言我都係滿意嘅。