深夜食堂 (Closed)

近排開飯都係尖沙咀&旺角呢D人多地方,因為交通方便，乜嘢各國種類美食都有，而且價錢都有好大分別，不過緊係一分錢一分貨，食物質素相負相乘，如果係識食嘅人一定會捐窿捐那搵食，呢次就去咗間食日式小食店幫襯，位置係尖沙咀厚福街一座商業大廈裏面。坐定咗就睇吓有無好嘢食，先點咗杯茘枝特飲，杯底仲有果粒食下。先來秘汁肥牛金菇卷，肥牛肉滑嫩金菇爽甜加埋醬汁超入味。再來係薄汁鰻魚飯，先食啖鰻魚肉質軟滑鮮甜，加埋醬汁更好味之後係芝士蝦球，蝦球炸到金黃色，入口鬆脆內面軟綿綿，加上芝士熔熱辣辣，超香口到另一款係川式茄子，面層灑滿香料，茄子肉滑滑食落有小小微辣，又幾嘢味最後食埋南瓜薯餅，外層香脆可口，入口香濃南瓜肉清甜香軟。是日晚又品嚐到日式小食滋味。