Video
Read full review
2021-11-01
25 views
通常我都會搵間居酒屋同朋友傾偈，飲野食串燒就最啱feel，尖沙咀呢間新開嘅串燒店，我都係第一次試。慢煮雞胸溫泉蛋沙律～唔好睇少呢幾片雞胸肉，食落真係完全唔似食緊雞胸肉，好滑嫩呀！加埋隻流心嘅溫泉蛋，加埋啲沙律菜連入口都變得好滑身。串燒top3推介：1️⃣雞腿肉（明太子醬）～雞腿肉好滑加埋燒香過嘅明太子醬，食落好香夠特別。2️⃣ 七味燒鴨舌～滷水鴨舌食得多，原來燒香過嘅鴨舌都咁好味，外皮脆脆地又唔會好乾。3️⃣ 雞翼～燒到外皮連雞翼尖都脆卜卜。另外，「雞尾」趁熱就要即刻食，食落好鬆化好香。「雞腎」、「膝軟骨」都好爽口。「芝士流心蛋大啡菇」切落去啲蛋漿流晒出黎好壯觀，必食！「牛油粟米」牛油味勁香，粟米好甜又無渣。「焦糖菠蘿」賣相好靚，但稍為酸咗少少。飲品叫咗支完熟桃子梳打，甜甜地又解渴。鍾意飲啤酒嘅話，就可以點生啤！🍻
通常我都會搵間居酒屋同朋友傾偈，飲野食串燒就最啱feel，尖沙咀呢間新開嘅串燒店，我都係第一次試。
慢煮雞胸溫泉蛋沙律～唔好睇少呢幾片雞胸肉，食落真係完全唔似食緊雞胸肉，好滑嫩呀！加埋隻流心嘅溫泉蛋，加埋啲沙律菜連入口都變得好滑身。
串燒top3推介：
1️⃣雞腿肉（明太子醬）～雞腿肉好滑加埋燒香過嘅明太子醬，食落好香夠特別。
2️⃣ 七味燒鴨舌～滷水鴨舌食得多，原來燒香過嘅鴨舌都咁好味，外皮脆脆地又唔會好乾。
3️⃣ 雞翼～燒到外皮連雞翼尖都脆卜卜。
另外，「雞尾」趁熱就要即刻食，食落好鬆化好香。「雞腎」、「膝軟骨」都好爽口。「芝士流心蛋大啡菇」切落去啲蛋漿流晒出黎好壯觀，必食！「牛油粟米」牛油味勁香，粟米好甜又無渣。「焦糖菠蘿」賣相好靚，但稍為酸咗少少。
飲品叫咗支完熟桃子梳打，甜甜地又解渴。鍾意飲啤酒嘅話，就可以點生啤！🍻
Post
