Aroy Dee Thai BBQ

Open Now

Now Closed

平時成日喺市區九龍城尖沙咀嗰啲地方食泰國菜，今次想試下去新界遠啲嘅地方覓食，所以搵到呢間喺村屋裏面嘅泰國菜。雖然嗰個地方平時少啲去，不過地鐵站行過去只係幾分鐘，交通尚算方便。餐廳座位唔多，好有家庭式經營嘅感覺，經OpenRice book位就唔使等。睇得出店員係泰國人，亦都有泰國人親切招待嘅風格。餐牌上選擇都多，一般泰國菜有嘅菜式佢都有提供。我哋一行兩人，叫咗個木瓜沙律、主菜係軟殼蟹咖喱再加個薄餅，仲叫咗個菠蘿炒飯，然後試埋個沙嗲串燒，之後加咗一人一大杯啤酒。整體嚟講，餐廳有cozy地道感覺，食物幾有質素而且好多選擇，加上呢度食平過鬧市好多差唔多質素嘅泰國餐廳，所以都值得推薦。