Video
Read full review
2016-02-13
1042 views
Ivan The Kozak係一間正宗俄羅斯烏克蘭餐廳，提供二十幾種俄羅斯伏特加美酒，捷克、奧地利啤酒及各款東歐紅酒。所有廚師都係由俄羅斯及同烏克蘭當地著名酒店同餐廳聘請來港，務求讓客人品嚐到地道既東歐傳統美食。餐廳位於中環登山扶手電梯中間，由電車路行上去都唔洗10分鐘，因為一早訂左位，所以放工時間黎到都唔洗等位。入到餐廳內，覺得環境同出面簡直係兩個國家咁，好有異國風情，好有特色。坐低之後，我地已經俾餐廳既內部裝修吸引到，叫完野食之後仲周圍影相添。餐牌相當精美，好有外國既風格。因為食量唔大既關係，唔敢叫2個主菜，所以就叫左1個主菜，1個湯同1個小食share食啦。俄國雜菜清湯: 俄國出名羅宋湯，但係就係唔知原來佢地雜菜清湯都好出名，呢個湯係用雜菜煲，無落任何肉，味道非常清甜。俄國豬肉卷: 究竟俄國豬肉卷會同港式既有咩分別呢? 原來俄國既係用左類似crepes 皮包住D豬柳，但係呢種crepe同法式果D又唔同架喎，佢蛋既成分比法式既高，入口好綿好濕潤，至於汁方面仲有2種，左右邊各一，左邊既係蕃茄汁，含點點辣意，右邊係白汁蘑菇，有少少似意粉醬咁。俄國香草燒春雞: 期待已久既燒春雞終於到啦，
餐廳位於中環登山扶手電梯中間，由電車路行上去都唔洗10分鐘，因為一早訂左位，所以放工時間黎到都唔洗等位。入到餐廳內，覺得環境同出面簡直係兩個國家咁，好有異國風情，好有特色。
坐低之後，我地已經俾餐廳既內部裝修吸引到，叫完野食之後仲周圍影相添。
餐牌相當精美，好有外國既風格。因為食量唔大既關係，唔敢叫2個主菜，所以就叫左1個主菜，1個湯同1個小食share食啦。
俄國雜菜清湯: 俄國出名羅宋湯，但係就係唔知原來佢地雜菜清湯都好出名，呢個湯係用雜菜煲，無落任何肉，味道非常清甜。
俄國豬肉卷: 究竟俄國豬肉卷會同港式既有咩分別呢? 原來俄國既係用左類似crepes 皮包住D豬柳，但係呢種crepe同法式果D又唔同架喎，佢蛋既成分比法式既高，入口好綿好濕潤，至於汁方面仲有2種，左右邊各一，左邊既係蕃茄汁，含點點辣意，右邊係白汁蘑菇，有少少似意粉醬咁。
俄國香草燒春雞: 期待已久既燒春雞終於到啦，隻雞都好幾大隻，表面烤得微脆，香得黎又唔會太乾，旁邊配左自製既蕃茄醬汁，不過個人認為唔點會更加好，因為咁樣先至可以食到隻雞原有既味道。食完返到屋企之後先發現原來餐廳設有「伏特加雪房」 ，可以係室內一邊享用獨家進口俄羅斯伏特加美酒，一邊感受零下十幾度既氣氛，同時都可拍攝雪地美景留念，下次黎真係要去體驗下啦。
Post
