麻辣小聚 (93WYS) (Under Renovation)

屋企附近所有嘅餐廳都已經食過晒，都唔知有咩好食，唯有上網睇吓有乜嘢餐廳推介，俾我發現到附近偉業街有間麻辣小聚餐廳，有唔少嘅好評，決定去試一試。 餐廳環境好開陽，座位都好舒服，餐廳都提供好多唔同種類嘅菜式。今次點左個從來未試過嘅地道樟茶鴨同高山筍炒臘肉。地道樟茶鴨好香樟木香味同茶葉香味，鴨嘅外皮好酥脆，鴨肉都非常嫩。高山筍炒臘肉嘅冬筍，食落好清脆鮮嫩，臘肉有濃濃既煙熏味，食落鹹香鹹香，連同冬筍一齊食，中和左臘肉既咸度，味道啱啱好。呢間餐廳真係幾好食！