Koh Tomyums

Open Now

Now Closed

愉景呢間泰國餐廳十分地道，朋友話仲好食過係泰國食😆因為樣樣都想試，加上我們2人都有點肚餓，所以點了6道菜，份量有點多，不過都很好味。頭盤點了芒果沙律，算是味道一般，芒果比較酸。另外點了椰醬伴脆米，呢個真係好好味，食到停唔到。椰醬是類似免治豬肉加椰汁咖哩但唔辣，很香濃惹味😋加上脆卜卜的炸米通，真係食完可以再食。大蝦冬蔭公很多料，而且味道香濃，點了少辣，很好味。香濃咖哩鷄肉也十分好味，香草味道豐富，食得出很地道。再點了炒Pad Thai, 也是很不錯。可惜最後芒果糯米飯的芒果唔夠甜，可能唔啱季節，不過糯米飯加椰漿也很好味。