Video
Read full review
2021-07-19
635 views
屯馬線..開通..真的很興奮第二站去左人氣港式茶記試一下網友口中既名物🥇沙牛西多同沙牛麵。.九龍城樂園係老字號茶記，身處九龍城街市既熟食市場，環境上唔好有太大期望，眼不見為乾淨。開店時間只有一至六既大清早到下午2點，真係唔係超級神心想去打個卡試食都好難會食到。.其實只要係介紹香港西多既貼文，應該都少不了會見到樂園沙牛西多既大名。除左沙牛多，樂園其實仲有其他名物例如阿華田脆脆西多、雪菜米、炸豬扒、奶茶紅豆冰等。.今次先試兩大名物：沙嗲牛肉西多士 💲33⭐️3.8/5傳統牛油煉奶西多夾沙嗲牛肉，沙牛餡唔算多無爆餡既感覺，同想像中唔同牛肉係碎牛唔係一片片。其實未食前係有懷疑，覺得咸牛配甜多會唔會有點古怪，但食落比想像中夾好多。其實都係傳統西多再搞搞新意思味道上冇太大驚喜，不過不失有Quota 都可以Encore。.雪菜肉絲沙嗲牛麵 💲38 + 💲5 一丁⭐️3.5/5貪心一次過試晒網民推薦嘅雪菜肉絲同沙嗲牛肉。第一啖食落去覺得認真的鹹，超級濃。沙嗲汁湯底可以，雪菜肉絲幾鹹不過食多幾啖覺得都算野味。反而牛肉有啲鞋，我慶幸叫咗雙併，因為雪菜肉絲好食過沙嗲牛肉。如果再有機會我會叫雪菜肉絲麵加沙嗲汁（加
.
九龍城樂園係老字號茶記，身處九龍城街市既熟食市場，環境上唔好有太大期望，眼不見為乾淨。開店時間只有一至六既大清早到下午2點，真係唔係超級神心想去打個卡試食都好難會食到。
.
其實只要係介紹香港西多既貼文，應該都少不了會見到樂園沙牛西多既大名。除左沙牛多，樂園其實仲有其他名物例如阿華田脆脆西多、雪菜米、炸豬扒、奶茶紅豆冰等。
.
今次先試兩大名物：
沙嗲牛肉西多士 💲33
⭐️3.8/5
傳統牛油煉奶西多夾沙嗲牛肉，沙牛餡唔算多無爆餡既感覺，同想像中唔同牛肉係碎牛唔係一片片。其實未食前係有懷疑，覺得咸牛配甜多會唔會有點古怪，但食落比想像中夾好多。其實都係傳統西多再搞搞新意思味道上冇太大驚喜，不過不失有Quota 都可以Encore。
.
雪菜肉絲沙嗲牛麵 💲38 + 💲5 一丁
⭐️3.5/5
貪心一次過試晒網民推薦嘅雪菜肉絲同沙嗲牛肉。第一啖食落去覺得認真的鹹，超級濃。沙嗲汁湯底可以，雪菜肉絲幾鹹不過食多幾啖覺得都算野味。反而牛肉有啲鞋，我慶幸叫咗雙併，因為雪菜肉絲好食過沙嗲牛肉。如果再有機會我會叫雪菜肉絲麵加沙嗲汁（加汁唔使錢😁😁）。
.
凍檸茶 💲22
.
🔸總結：餐牌寫到明佢哋全天候冇套餐所以飲品都係散叫價錢。三樣嘢埋單💲98，以茶記來講絕對唔係平民價。但係假日朝早熟食市場得佢一檔開門都人滿為患、人來人往證明佢哋有極多捧場客。
.
蔡瀾提字 “勝過鮑參翅肚” 我係同意嘅😆 因為我都鍾意食呢類地道風味邪惡茶記。黎樂園係食風味、食舊港式情懷。歸到此一遊系列。
.
不專業食評 @nei.foodie
沙嗲牛肉西多士
$33
32 views
0 likes
0 comments
雪菜肉絲沙嗲牛麵
$30
40 views
0 likes
0 comments
沙嗲牛肉西多士
36 views
0 likes
0 comments
Post
