新樂園魚蛋粉

Open Now

Now Closed

是日放工，肚子打鼓兼趕住睇牙朗奧運格劍金牌戰🥇，同閨蜜行過間茶記見有電視直播緊，就求鬼其衝入去睇兼填飽個肚( ᵒ̴̶̷̤໐ᵒ̴̶̷̤ )。；魚蛋魚片頭紫菜米線 $41 魚蛋同魚片頭彈牙，紫菜好好食，本身個湯比較清淡無咩味，全靠紫菜吊起咗成碗麵個味。啲米線由決賽食到頒獎典禮🏆，講緊成粒鐘都仲係咁滑，無索曬啲湯變得超腍，好嘢。；牛雜牛筋紫菜麵 $37 牛筋可以再腍啲，有兩嚿咬咗勁耐都咬唔開（可能係我啲牙嘅問題）🦷。牛雜幾新鮮，份量慷慨，牛肚入味爽口，最正。麵無鹼水味，彈牙，飽！；魚皮 +$15 無見過咁大碟魚皮，嚟嘅時候係連埋膠袋成袋咁上，又脆又大塊，誇張。利申，搏曬老命都食唔曬。