Video
Read full review
2024-01-16
37 views
高質泰國菜，之前喺九龍城已經食過呢間「橙象」，這晚約咗朋友嚟北角逛街，就趁機過嚟和富分店回味下。餐廳由泰籍廚師主理，嚴選泰國原材料，配合在地新鮮食材，口味正宗富創意，加上每日都會有一款 $1 特價菜式供應，所以一直得到唔少街坊市民熱捧。點咗鐵板蠔仔蛋 ($98)、明爐烏頭 同 海鮮金邊粉。蠔仔蛋以鐵板盛載，上桌時還吱吱作響。蠔隻飽滿，雞蛋嫩滑，蛋味濃郁，夾埋啲芽菜一齊食，真係無得輸。泰式明爐烏頭魚 (原價$179、特價$1) 原條烏頭用小火爐暖住送上，面頭鋪滿了肉碎、椰菜、紅蘿蔔絲、香菇和青蔥等。烏頭新鮮肥美，嫩滑又無泥味；魚湯加入了香茅、辣椒、芫荽、青檸和南薑等材料炮製，入口酸酸辣辣，越滾越入味，令人食慾大增。蛋網海鮮金邊粉 ($94) 碟金邊粉擺盤好靚，面頭蓋上了漂亮嘅網狀蛋皮。大蝦新鮮爽彈，魷魚煙韌有嚼勁，金邊粉乾身不油，上檯時還附有青檸和花生碎，入口甜甜酸酸，好惹味。餐飲點咗番石榴冰 ($32) 同 椰汁珍多冰 ($32)，番石榴冰打得夠晒細滑，味道天然又不會太甜；而珍多冰亦椰香滿溢，加上軟滑粉條，入口甜而不膩。
高質泰國菜，之前喺九龍城已經食過呢間「橙象」，這晚約咗朋友嚟北角逛街，就趁機過嚟和富分店回味下。
餐廳由泰籍廚師主理，嚴選泰國原材料，配合在地新鮮食材，口味正宗富創意，加上每日都會有一款 $1 特價菜式供應，所以一直得到唔少街坊市民熱捧。
點咗鐵板蠔仔蛋 ($98)、明爐烏頭 同 海鮮金邊粉。蠔仔蛋以鐵板盛載，上桌時還吱吱作響。蠔隻飽滿，雞蛋嫩滑，蛋味濃郁，夾埋啲芽菜一齊食，真係無得輸。
泰式明爐烏頭魚 (原價$179、特價$1) 原條烏頭用小火爐暖住送上，面頭鋪滿了肉碎、椰菜、紅蘿蔔絲、香菇和青蔥等。烏頭新鮮肥美，嫩滑又無泥味；魚湯加入了香茅、辣椒、芫荽、青檸和南薑等材料炮製，入口酸酸辣辣，越滾越入味，令人食慾大增。
蛋網海鮮金邊粉 ($94) 碟金邊粉擺盤好靚，面頭蓋上了漂亮嘅網狀蛋皮。大蝦新鮮爽彈，魷魚煙韌有嚼勁，金邊粉乾身不油，上檯時還附有青檸和花生碎，入口甜甜酸酸，好惹味。
餐飲點咗番石榴冰 ($32) 同 椰汁珍多冰 ($32)，番石榴冰打得夠晒細滑，味道天然又不會太甜；而珍多冰亦椰香滿溢，加上軟滑粉條，入口甜而不膩。
Post
