Video
Read full review
2023-02-24
28 views
對上一次食完生蠔放題唔係好夠喉🤣於是再搵下港島區有冇一啲主打食生蠔既餐廳，就搵到銅鑼灣呢一間牡蠣酒埸😍一入到店就見到好多唔同地方嘅生蠔，隻隻都好大隻😍雖然叫做牡蠣酒場，但唔係只係食生蠔，仲有好多唔同嘅串燒、拉麵等嘅熟食選擇，種類都好豐富。聽店員介紹佢地每日都有提供黎自日本好多唔同產地既生蠔，而且餐牌仲會清楚寫明每個產地既生蠔有咩特色，方便客人根據自己既口味去選擇。今次就叫左幾款生蠔試一試。🎈令和之怪物 $108大到有啲嚇親，有手掌咁大，而且肉身非常厚身、好肥美，蠔味十分濃郁，必嗌！🎈 刁草檸檬啫喱生蠔$78一試難忘！生蠔同檸檬汁一向都好夾，不過呢款再加埋刁草，增加香味既同時亦都帶出到蠔既鮮味。🎈海膽牛肉清湯啫喱生蠔$98海膽本身已經好鮮，再加上生蠔同牛肉清湯啫喱點綴，食落口真係超級滿足！🎈泰辣青檸生蠔$88呢款醬汁會有少少似食泰式生蝦刺身既汁，不過原來配生蠔會係咁唔錯，有驚喜！🎈 牛舌串燒$38燒得剛剛好，軟硬適中，肉質爽口，味道不錯！🎈燒牛柳沙律$158牛柳既生熟度控制得岩岩好，味道好香而且非常嫩滑，推薦！🎈海膽忌廉意大利麵$198又係另一道有海膽既菜式，忌廉汁好濃郁，意粉質感彈牙煙
對上一次食完生蠔放題唔係好夠喉🤣於是再搵下港島區有冇一啲主打食生蠔既餐廳，就搵到銅鑼灣呢一間牡蠣酒埸😍
一入到店就見到好多唔同地方嘅生蠔，隻隻都好大隻😍雖然叫做牡蠣酒場，但唔係只係食生蠔，仲有好多唔同嘅串燒、拉麵等嘅熟食選擇，種類都好豐富。聽店員介紹佢地每日都有提供黎自日本好多唔同產地既生蠔，而且餐牌仲會清楚寫明每個產地既生蠔有咩特色，方便客人根據自己既口味去選擇。今次就叫左幾款生蠔試一試。
🎈令和之怪物 $108
大到有啲嚇親，有手掌咁大，而且肉身非常厚身、好肥美，蠔味十分濃郁，必嗌！
🎈 刁草檸檬啫喱生蠔$78
一試難忘！生蠔同檸檬汁一向都好夾，不過呢款再加埋刁草，增加香味既同時亦都帶出到蠔既鮮味。
🎈海膽牛肉清湯啫喱生蠔$98
海膽本身已經好鮮，再加上生蠔同牛肉清湯啫喱點綴，食落口真係超級滿足！
🎈泰辣青檸生蠔$88
呢款醬汁會有少少似食泰式生蝦刺身既汁，不過原來配生蠔會係咁唔錯，有驚喜！
🎈 牛舌串燒$38
燒得剛剛好，軟硬適中，肉質爽口，味道不錯！
🎈燒牛柳沙律$158
牛柳既生熟度控制得岩岩好，味道好香而且非常嫩滑，推薦！
🎈海膽忌廉意大利麵$198
又係另一道有海膽既菜式，忌廉汁好濃郁，意粉質感彈牙煙韌，如果食生蠔唔夠飽既話，叫呢個作為主菜絕對唔會後悔。
🎈廣島蠔拉麵$128
呢碗拉麵亦都要讚一讚，拉麵口感好好，有嚼勁，而且仲有唔少隻生蠔，雖然唔算好大隻但鮮味十足，湯底吸收哂蠔既鮮味亦都好好飲，值得一試！
🎈生啤$58
🎈熊本甜橙梳打$48
Post
