十八座狗仔粉

Open Now

Now Closed

滿心期待可以重嚐以前香港嘅味道，碗仔翅魚蛋同燒賣更加唔少得！於是喺foodpanda度order左外賣送上嚟。首先： 以前嘅碗仔翅靈魂是紅醋，但係佢冇提供可能我落order嗰陣看漏，所以我都冇怪佢。 一打開個蓋點解咁杰嘅？ 我以為因為Panda送上嚟所以會杰左，再睇返食評原來本身就係咁嘅。 食咗一啖以為自己食緊BB食物，感覺相當不好！比無牙阿婆食就啱。因為太肚餓啦所以我自己溝咗啲熱水開稀番同埋加辣椒仔食咗落肚。 呢個應該叫做碗仔芡而唔係叫碗仔翅！7 仔四x 碗仔翅都好食過佢。魚蛋： 血壓高人士要避免進食。同食鹽冇分別；魚蛋已經煲到好硬，都唔知食緊乜😑 燒賣： 一食就知質素差到爆，7-11 個D都仲好食過佢。總結：做飲食唔好整垃圾食物出嚟。中環區真的可以容納如此質素的餐廳？ 後記： 吃完三小時，口乾到不得了！嚴重重味精。三高人士要遠離此店。