越潮

Open Now

Now Closed

我揀餐廳專揀平靚正，環境冇咁好唔緊要，最緊要好食。如果你都係好似我咁樣，唔需要特登去裝修得靚靚嘅餐廳，想食到平平地嘅地道越南菜，咁一定要試下呢度。今日叫咗兩個set，生牛肉河同雞絲河，另配酸辣鳳爪都只係＄47一set，仲有飲品添 (不過唔好對佢嘅奶茶期望太高)。唔好睇小佢賣相雖然麻麻哋，又稱唔上好足料，但係當你食完個湯河，發覺你冇口乾，就知佢個湯底絕對係真材實料。聽到老闆同其他客人傾計，知道原來佢個雞湯真係淆出嚟嘅。相比起一啲連鎖越南餐廳，＄60 $70 食個河粉，食完要狂飲水，呢間真係好嘢嚟。星期日兩點幾，餐廳都坐滿左七成。牛肉可加埋大量洋蔥同蔥好有風味。有需要仲可以問老闆攞指天椒同埋青檸。如果想轉金邊粉係要加$3嘅。雞絲河嚟講， 雞絲係唔算多嘅，但係食雞有雞味，佢係當之無愧嘅。