Video
Read full review
2023-04-18
381 views
好似好耐冇食越南野，今日朋友經開太子，就幫襯下呢間月橋。佢舖頭細細既小店，睇落都幾地道。入去時仲有2張枱，坐落已經滿晒啦。 咁應該都好受街坊歡迎。冇諗到佢地都係用QR code落單。 叫左2個套餐招牌生牛肉河配紅豆冰。 都幾大碗，足料，好多牛肉，而且芽菜好肥美，真係越南河既亮點。 個湯都飲得出係牛骨煲既，但可能好老火，有啲咸。 對女士黎講係濃味左啲，我諗濃味人會幾鍾意。不過食完個湯河再飲杯紅豆冰，感覺真係一絕，超爽。 可能呢個都係佢地個效果。好正呀。而另一碗就係招牌牛腩河配咸檸七。 佢唔係港式牛腩，係越式既，所以佢地既牛腩冇咁肥膩。而且仲有牛展，真係好好味，好多餸，而且杯咸檸真係好解膩，又係好夾。2杯野飲都好足料，又夠味而佢個拼盤都勁大碟，有成5個餸，黎到真係有啲驚喜。 由於係即炸起，食既時候真係要小心啲呀。今餐真係超豐富，好開心
冇諗到佢地都係用QR code落單。 叫左2個套餐
招牌生牛肉河配紅豆冰。 都幾大碗，足料，好多牛肉，而且芽菜好肥美，真係越南河既亮點。 個湯都飲得出係牛骨煲既，但可能好老火，有啲咸。 對女士黎講係濃味左啲，我諗濃味人會幾鍾意。不過食完個湯河再飲杯紅豆冰，感覺真係一絕，超爽。 可能呢個都係佢地個效果。好正呀。
而另一碗就係招牌牛腩河配咸檸七。 佢唔係港式牛腩，係越式既，所以佢地既牛腩冇咁肥膩。而且仲有牛展，真係好好味，好多餸，而且杯咸檸真係好解膩，又係好夾。
2杯野飲都好足料，又夠味
而佢個拼盤都勁大碟，有成5個餸，黎到真係有啲驚喜。 由於係即炸起，食既時候真係要小心啲呀。
今餐真係超豐富，好開心
Post
