榮安小食

Open Now

Now Closed

荃灣除左有好多食米線嘅食肆之外都有唔少車仔麵店，今日黎食一間個環境相對地道啲嘅鋪頭，一入門口已經係麵檔，大家一個個企係到排隊叫餸，即場整埋比你自己拎埋位開餐。不過正正因為咁，食之前最好係門口睇定食咩餸，因為到你果陣就冇得慢慢睇住黎叫，如果唔係後面排隊條龍就越黎越長，麵檔夥計都會開始唔耐煩架啦🤣依到食物嘅份量唔算好多，所以建議男仔可以叫兩個麵底，餸方面我比較鐘意雞翼同大腸，可能因為佢個滷水汁都幾出色，所以好入味，另外豬紅都唔錯！價錢黎講都算幾抵食，可以叫多幾樣餸黎試下都得，最後加埋個辣汁就100分😆