Video
Read full review
2018-02-06
201 views
前晚同朋友一齊係尖沙咀行街 買左唔少野 大家都為左過年而買需要既用品～血拼過後 我地都好肚餓 要搵野食黎充飢 於是我就提議去食日本野 因為之前食過覺得水準好好 想再去品嘗日本料理 但朋友就極力推介韓國菜 話好想食烤肉同爐邊蛋 咁我又唔抗拒 就一齊去食韓燒～我地見炑八咁受歡迎 應該有一定既質素 所以就決定去嗰到試下 🔥🥩🐷佢地由裝潢到餐具 所有設備都係韓式用具 仲有埋韓燒既圍裙、放手機既保護膠袋 另外 有韓燒必備既小菜 例如惹味泡菜、芽菜 、魚糕、醃蘿蔔 同埋包住肉既生菜 🥙 另外仲有韓國地道既醬汁 即係韓式風味既豉油 入面仲有生洋蔥圈 感覺十分正宗 😍仲要提一提炑八既爐邊蛋🍳 啲蛋好滑好好味 加少少泡菜落去仲正 佢地仲加入埋香濃芝士 味道簡直係一流😋 除左爐邊蛋之外 佢地仲有芝士粟米 食物種類繁多 🧀🌽前菜係清新既田園沙律 我好中意佢地既麻醬 食落特別香口 而且仲好開胃~九節坂九節板係古代韓國宮廷料理中既前菜 有九種食物放係八邊形既攢盒 係傳統既韓國料理～ 九節坂中間一格放左薄餅 而周圍環繞既八個格按五味五色分別放入醃黃瓜絲、蛋黃絲、紅蘿蔔絲、炒牛肉絲、菜絲、青瓜絲、蟹籽蟹柳、蘑菇絲等
我地見炑八咁受歡迎 應該有一定既質素 所以就決定去嗰到試下 🔥🥩🐷
佢地由裝潢到餐具 所有設備都係韓式用具 仲有埋韓燒既圍裙、放手機既保護膠袋
另外 有韓燒必備既小菜 例如惹味泡菜、芽菜 、魚糕、醃蘿蔔 同埋包住肉既生菜 🥙
另外仲有韓國地道既醬汁 即係韓式風味既豉油 入面仲有生洋蔥圈 感覺十分正宗 😍
仲要提一提炑八既爐邊蛋🍳 啲蛋好滑好好味 加少少泡菜落去仲正 佢地仲加入埋香濃芝士 味道簡直係一流😋 除左爐邊蛋之外 佢地仲有芝士粟米 食物種類繁多 🧀🌽
前菜係清新既田園沙律 我好中意佢地既麻醬 食落特別香口 而且仲好開胃~
九節坂
九節板係古代韓國宮廷料理中既前菜 有九種食物放係八邊形既攢盒 係傳統既韓國料理～ 九節坂中間一格放左薄餅 而周圍環繞既八個格按五味五色分別放入醃黃瓜絲、蛋黃絲、紅蘿蔔絲、炒牛肉絲、菜絲、青瓜絲、蟹籽蟹柳、蘑菇絲等 口味以清淡為主
而呢個係炑八獨家製既九節板 為左迎合香港人既口味 某幾種食材同傳統既九節板唔一樣
用薄餅皮包住八種色彩繽紛既食材 唔單止味道豐富 口感仲好特別 層次感十足 👍🏼
肉類拼盤 🍤🥓
二人餐既拼盆有薄切韓牛牛扒、牛五花肉、大蝦、豬五花肉、牛舌、牛前胸肉等 🐮🐷🥓🥩
大大隻既蝦爽口彈牙 鮮味十足 😋
牛舌係一個意外驚喜 我本身唔太中意食內臟 牛舌呢啲我都好怕 但佢呢到既牛舌一啲都唔羶唔臭 反而好香滑 口感好正 我破例食左唔少～
牛肋骨真係冇得頂 佢係繼五花肉之後 我既至愛~ 🐮 好嫩好juicy 既牛肉 配埋香濃既韓式醬汁 再將痴住牛肋骨既牛筋逐條撕落黎 好好食好滿足～☺️
呢啲牛肉好嫩好juicy 果然係特頂級靚牛肉 食到好香既牛肉味 又唔會有好多肥膏 佢係我地今晚最愛既牛肉 不過我既最愛依然係五花腩 🥩
上面既五花腩超級厚肉 味道好正 豬既表皮都燒到好煙韌好彈牙 因為佢地本身已經有放調味料 所以只要點少少醬油已經好好味！
煮到五、六成熟既時候 就可以將特級厚既五花肉煎成細小既肉塊 一黎方便食用 二黎望落更加吸引 🤤 店員好熱心 佢幫我地剪好啲肉 等我地可以專注品嚐美食 😍
另外 仲可以跟隨韓國地道既食法 就係用生菜包肉 加入泡菜、芽菜、魚糕等等既食材 令五花肉既味道更豐富～😍😋
餃子年糕湯
新年二人套餐仲有餃子年糕湯～故名思義 呢碗湯係以年糕同餃子作為主要材料 並煮成香甜味美既賀年湯 其他材料有紫菜、瓜、洋蔥同埋蛋絲等 喺韓國係非常有代表性既料理 韓國人傳統喺新年既時候都會飲 我個人都覺得好唔錯 😋
套餐仲包埋兩杯飲品 我點左由炑八推介既菠蘿特飲 佢俾人既感覺好清新 又夠冰凍 岩曬我地食燒肉既時候 清一清口腔內既油膩感～ 飲品內仲有一片菠蘿 夠曬足料 甜而不膩🍍
今晚真係超滿足 連朋友都大讚好味 服務員態度親切和藹 而餐廳食物既地道又有質素 😋 我會再同其他朋友去食多次 🥇
Post
