Video
Read full review
2023-04-14
542 views
👍🏻本家韓國料理 (尖沙咀)尖沙咀金馬倫道22-24號東麗中心1樓今次約朋友食呢一間鼎鼎大名既韓國料理餐廳，一坐低服務員就即刻放低咗6道小食喺我哋面前。小食當中包括有，韓式泡菜，茄子，甜薯仔，韓式白飯魚，韓式醃製豆腐，韓式芽菜菠菜，每一道都別具心機，令人興奮。1.韓國醬油蟹❤️❤️❤️❤️❤️醬油蟹爆多膏，味道鮮甜，醬油蟹醃製得好入味。醬油蟹已經包括紫菜同飯，服務員會喺你面前將蟹膏拌飯，每一啖飯都食到有蟹膏同蟹肉，每一啖都令人好滿足。2.韓國五花腩❤️❤️❤️五花腩好厚肉，服務員都會幫你煎好，而且煎得好金黃，本人就比較鍾意煎得冇咁香脆。配埋蔬菜籃嘅生菜同香蒜，點少少麻油同鹽，簡直令人食唔停口。3.燒白鱔❤️❤️❤️燒白鱔喺呢度嘅主題菜，呢一道菜唔係度度都有得食。服務員好有耐性咁燒好俾我哋食，佢哋會配埋醃製好嘅紫蘇葉，食落去一啲都唔膩。4.人蔘雞湯❤️❤️呢度嘅人蔘雞湯味道比較淡，冇咩人參味道，中間夾住左啲糯米飯，裏面有一條人參。本人鍾意食啲味道比較淡嘅食物，對於我來講啱啱好。5.韓式年糕❤️❤️❤️佢哋嘅韓式年糕味道啱啱好，味道唔會太濃味。裏面內容好豐富，有年糕，魚糕，雞蛋，鍾意食年糕嘅你哋不容錯過。6.本家米酒❤️❤️
尖沙咀金馬倫道22-24號東麗中心1樓
今次約朋友食呢一間鼎鼎大名既韓國料理餐廳，
一坐低服務員就即刻放低咗6道小食喺我哋面前。小食當中包括有，韓式泡菜，茄子，甜薯仔，韓式白飯魚，韓式醃製豆腐，韓式芽菜菠菜，每一道都別具心機，令人興奮。
1.韓國醬油蟹❤️❤️❤️❤️❤️
醬油蟹爆多膏，味道鮮甜，醬油蟹醃製得好入味。醬油蟹已經包括紫菜同飯，服務員會喺你面前將蟹膏拌飯，每一啖飯都食到有蟹膏同蟹肉，每一啖都令人好滿足。
2.韓國五花腩❤️❤️❤️
五花腩好厚肉，服務員都會幫你煎好，而且煎得好金黃，本人就比較鍾意煎得冇咁香脆。配埋蔬菜籃嘅生菜同香蒜，點少少麻油同鹽，簡直令人食唔停口。
3.燒白鱔❤️❤️❤️
燒白鱔喺呢度嘅主題菜，呢一道菜唔係度度都有得食。服務員好有耐性咁燒好俾我哋食，佢哋會配埋醃製好嘅紫蘇葉，食落去一啲都唔膩。
4.人蔘雞湯❤️❤️
呢度嘅人蔘雞湯味道比較淡，冇咩人參味道，中間夾住左啲糯米飯，裏面有一條人參。本人鍾意食啲味道比較淡嘅食物，對於我來講啱啱好。
5.韓式年糕❤️❤️❤️
佢哋嘅韓式年糕味道啱啱好，味道唔會太濃味。裏面內容好豐富，有年糕，魚糕，雞蛋，鍾意食年糕嘅你哋不容錯過。
6.本家米酒❤️❤️❤️❤️❤️
佢哋自己釀製出嚟嘅米酒，味道好似酒釀丸子嘅酒，唔會太濃酒精，甜甜地，同朋友一齊飲就最好不過。
P.S.總括而言，我都好滿意佢哋嘅食物同食材，每一道菜都好有心機。不過佢哋嘅服務態度就真係一般，本人已經訂座，不過佢哋冇記喺簿仔度，仲要比佢哋反指我哋係冇訂座，態度勁差，這個位置有點失望。☹️
Post
