Video
Read full review
2022-03-15
478 views
星期六又返咗去Office做嘢，但對自己好少少，所以下午四點幾就走人，再提早食個晚餐。我同朋友都想食中東菜，喺金馬倫道見到棟咗「Tribes」個水牌，就一於試吓☺️。餐廳環境唔錯，梳化同牆身花紋都幾靚，而且唔會好似一般印度餐廳咁好大陣味👍，另外窗口位更可望到尖沙咀街景，感覺開揚。餐廳週末好似無做午市套餐，所以唯有單點，我認為佢定價偏貴少少，但都OK嘅。呢度主打巴基斯坦菜🇵🇰，但我自問唔太熟悉，感覺菜式同印度菜類同。我哋叫咗兩款肉同一份烤餅，食物熱辣辣送上🔥，賣相吸引，色香味俱全啊！Lahori Chicken Tawa Masala($148)，瑪撒拉算係喺香港比較常見嘅印度菜式🥘，佢集合多種香料於一身，味道濃香而不膩，而且辣度適中。咖哩味道好正，帶點薑味，唯一美中不足嘅地方係唔夠多汁配薄餅食，不過亦正正因為咁，雞嘅份量出奇地多，兼且件件肉厚嫩滑🐔。Beef Boti Tenderloin($180)，其實齋睇菜名淨係知佢係牛🥩，而經店員講解，大概知佢係一粒粒，而唔係免治肉。「牛柳粒」好的骰，如餐牌所述，一共有十粒。佢無論味道定質感都好似牛肉乾，幾特別，肉身好重五香味。由於第一次食，所以
星期六又返咗去Office做嘢，但對自己好少少，所以下午四點幾就走人，再提早食個晚餐。我同朋友都想食中東菜，喺金馬倫道見到棟咗「Tribes」個水牌，就一於試吓☺️。
餐廳環境唔錯，梳化同牆身花紋都幾靚，而且唔會好似一般印度餐廳咁好大陣味👍，另外窗口位更可望到尖沙咀街景，感覺開揚。
餐廳週末好似無做午市套餐，所以唯有單點，我認為佢定價偏貴少少，但都OK嘅。呢度主打巴基斯坦菜🇵🇰，但我自問唔太熟悉，感覺菜式同印度菜類同。
我哋叫咗兩款肉同一份烤餅，食物熱辣辣送上🔥，賣相吸引，色香味俱全啊！
Lahori Chicken Tawa Masala
$148
15 views
1 likes
0 comments
Beef Boti Tenderloin($180)，其實齋睇菜名淨係知佢係牛🥩，而經店員講解，大概知佢係一粒粒，而唔係免治肉。「牛柳粒」好的骰，如餐牌所述，一共有十粒。佢無論味道定質感都好似牛肉乾，幾特別，肉身好重五香味。由於第一次食，所以唔識評論佢係咪正宗，係新滋味。
Kalwanji Naan
$38
7 views
1 likes
0 comments
佢另外仲提供咗兩個醬配薄餅食，唔辣的，綠色嗰款帶點薄荷味🌿。
飲品方面，我哋要咗Fresh Lime Soda($38)同Banana Milkshake($58)。兩杯都好高質，真材實料。🍋青檸梳打唔係就咁落兩片檸檬咁求其，反而佢仲帶點鹹檸味；🍌而香蕉奶昔就打得好滑、好均勻，好似食緊蕉咁，甜甜的，解辣消滯。
總括嚟講，呢間巴基斯坦餐廳各方面都幾好🥙️，食物味道恰到好處，地道得來又易入口，迎合返香港人嘅口味。店員亦都幾親切，我係咁問佢問題，佢亦樂意一一解答。我下次會閒日嚟試吓佢嘅午餐😗。
Post
