十二味麻辣小當家 (Closed)

地道四川菜，我咁大個仔都未試過，你可能都未試過。呢間店子地方唔大，但值得落場試試。呢度最特別係有一種叫香鍋嘅食品，先揀咗醬料，再揀一啲肉類或者蔬菜類，共五款，每一款另外加錢，揀好咗之後，廚師就會執好材料將佢炒埋一鍋，份量相當大，價錢絕對唔係平，不過現場所見有好多喺內地嚟嘅人都來到呢度食，而且非常熟手喺張單點呢個香鍋，呢度廚房同埋樓面嘅人好多都係講普通話，所以我都相信應該係四川人開嘅地道四川小店。每款菜式份量都唔少，兩個人的話就叫一個鍋就夠，再食下其他菜式。