好味餃子店

Open Now

Now Closed

聽過好味餃子店好耐， 係葵涌同長沙灣都有分店。 咁岩朋友中意食餃子，就同朋友去左長沙灣嗰間試下。位置方便同D2 place 都幾近， 幾方便。下午茶時段好抵， $33一個套餐可以簡5隻湯餃或者煎餃，加$2可以簡雙拼，再配一杯豆漿、甘草茶或者雪梨茶。🥟 我就簡左湯餃，加左$2簡左粟米同芫茜餃子，飲品就簡左凍羅漢果甘草茶。 粟米餃子滿滿既粟米同豬肉 ，好juicy; 芫茜餃子比想像中冇咁重芫茜味， 餃子皮比較厚身，唔會太薄搞到好易穿，所以食落去口感不錯。 值得一提係個湯底幾特別， 係用野葛菜生魚豬骨湯，飲落好健康同幾特別。 羅漢果甘草茶幾清新， 有淡淡既回甘味，夠哂清熱氣。🥟 朋友簡左雙拼煎餃：雲耳椰菜煎餃同白菜煎餃，配凍雪梨茶。餃子煎落幾香口 同比較硬身。 雲耳椰菜既質感幾特別。 凍雪梨茶唔會太甜，岩岩好， 個底仲有一啲蘆薈粒， 好滋潤！ 🍽️ 胡麻醬滑豆腐（$24） ：滿滿既胡麻醬， 口感不錯。