唐包點

Open Now

Now Closed

今日放工狂風驟雨，重要搭地鐵去黃大仙交收，之後想去商場食晚餐，但又拎住交收D貨吾想行，睇到前面有唐包點，有蒸飯、蒸包、點心，又有野飲，尼間重有特式客飯，不如就買D返屋企食。外賣包裝企理，方便攜帶。糯米雞係我至愛，用膠盒合住，乾淨衛生，打開後，陣陣荷葉的清香撲鼻，糯米軟熟，餡料和醬汁都較得好夠味。尼個燒賣不是乾蒸，是用娃娃菜和少少湯墊底，每粒燒賣面都有一隻蝦，爽口不膩。特色客飯，三款中我要左秘製豬軟骨飯，餸和飯分開放，飯軟硬適中，豬軟骨加左秘製醬汁飲炆煮，味道濃郁，夠林滑又入味。义燒包：外皮鬆軟，餡料义燒和醬汁較得夠惹味。蓮蓉包D蓮蓉餡超多，味道香甜，原味豆漿，原枝出售，乾淨衛生，豆味香濃，不會過甜。