喜聚燒 (Closed)

一班朋友約食飯，地點就真係好重要，特別對於有一班住係天南地北既朋友黎講，有一個大家都就腳，食到夜一夜都有車走既地點，大家先可以暢飲豪食，無後顧之憂。就好似呢間串燒店位於尖沙咀，無論你住香港新界定九龍都咁方便，仲一定唔會冇車走。除咗交通便利之外，食物質素都係考慮既重要因素，呢度有好多串燒選擇，放左工想三五知己飲兩杯食返兩串串燒，真係一大享受，我自己就試左一份聖子王，一份生蠔，海鮮又肥又大隻，其他串燒都燒到好香口又足味，配上一杯酒真係人生一大享受。如果嫌淨係食串燒有點單調可以叫埋幾個特色小菜送酒，推介麻辣四姐妹，食得太多肉，食返碟炒菜，可以中和口腔中既油膩感。大食既仲可以叫個養生烏雞煲試下，雞煲口味都幾特別，味道濃厚，香辣中帶甜，一試難忘。