Running 燒 (Closed)

發現pop corn雪糕店格離仲有部lift，上到去都有好幾間食店，入到去最督督有一間幾多人幫襯嘅燒肉店。原來係旺角都有分店嘅running燒！我係旺角食過兩次，覺得佢啲肉幾高質，唯獨是舖頭有啲細。呢間舖面幾大，座位舒適，出面個沙律熟食吧都好闊落。即刻入去試下佢啲燒肉有冇旺角甘好食😂😂😂選擇一樣甘多，有豬，牛，雞，海鮮，熟食，麪，炸雞。有啲肉類冇咩調味，食返肉本身嘅味，我鐘意。例如豬梅頭肉，豬腩肉。肉唔Un, 脂肪分佈平均，好味。鐘意有調味嘅，有隻薄切雪花牛肉都好正，上面舖滿味林，輕輕煎下就okay, 入囗溶化，加埋啲調味，忍唔住叫完一round又一round佢嘅蔬菜吧好大，有好多菜揀。連牛油栗米都有，好好味。食飽飽，仲有甜品，佢有dreyerz嘅果汁雪條！ 我揀左桃味。好味！消濟！