Video
Read full review
2019-09-11
2047 views
友人想食蒸氣鍋，搵咗間近近地嘅樓上餐廳，係正諾士佛臺隔離好易搵～一坐低就有前菜可以食住先，醬料盤正常，冇話特別多配搭，不過食海鮮最緊要新鮮，都唔使多混醬。石鍋海鮮餐 $328/位我地嗌咗最平個款海鮮餐，都已經有6款海鮮，晒夠我同友人食！粥底我地就要南瓜+雞，其他仲有蕃薯排骨任人配搭。招牌黑松露蒸蛋 $28友人勁鍾意食黑松露於是就試下個蒸蛋，未食已經聞到超大陣菌香，姐姐係計晒時間係前面個爐蒸，滑到呢～沙包蜆 海蝦每款海鮮都有店員姐姐幫我地蒸！完全唔使自己郁手，除咗要自己剝蝦殼😂但隻蝦好食到不枉我整烏糟手，個樣紅卜卜漲卜卜，蝦肉又彈牙又鮮甜，想食多幾隻～蜆肉都好飽滿好大粒，唔會一啖就冇咗，有點鹹鹹地嘅鮮味！大連鮑魚鮑魚加咗蟲草花去蒸，時間剛剛好，咬落去唔韌，口感彈牙。蟶子蟶子係繼蝦之後第二好味，最好肉地😂美國桶蠔都不錯，大隻蠔味重～薑蔥煎鮮魷金銀蒜蒸勝瓜最後個粥吸引晒啲海鮮汁已經好甜，加埋南瓜都甜，最後食埋啖熱熱地嘅粥，就是大滿足！！
一坐低就有前菜可以食住先，醬料盤正常，冇話特別多配搭，不過食海鮮最緊要新鮮，都唔使多混醬。
石鍋海鮮餐 $328/位
我地嗌咗最平個款海鮮餐，都已經有6款海鮮，晒夠我同友人食！
粥底我地就要南瓜+雞，其他仲有蕃薯排骨任人配搭。
招牌黑松露蒸蛋 $28
友人勁鍾意食黑松露於是就試下個蒸蛋，未食已經聞到超大陣菌香，姐姐係計晒時間係前面個爐蒸，滑到呢～
沙包蜆 海蝦
每款海鮮都有店員姐姐幫我地蒸！完全唔使自己郁手，除咗要自己剝蝦殼😂
但隻蝦好食到不枉我整烏糟手，個樣紅卜卜漲卜卜，蝦肉又彈牙又鮮甜，想食多幾隻～
蜆肉都好飽滿好大粒，唔會一啖就冇咗，有點鹹鹹地嘅鮮味！
大連鮑魚
鮑魚加咗蟲草花去蒸，時間剛剛好，咬落去唔韌，口感彈牙。
蟶子
蟶子係繼蝦之後第二好味，最好肉地😂
美國桶蠔都不錯，大隻蠔味重～
薑蔥煎鮮魷
金銀蒜蒸勝瓜
最後個粥吸引晒啲海鮮汁已經好甜，加埋南瓜都甜，最後食埋啖熱熱地嘅粥，就是大滿足！！
Post
