Pickled Pelican (Closed)

男朋友安排遊覽完蒲台島之後，夜晚係返赤柱食晚餐，我地坐係一樓窗邊望住海景慶祝我既生日。海鮮拼盤有皇帝蟹腳、海蝦、香草小龍蝦、青口、海蜆、海螺、北海道帶子伴乾蔥紅酒醋及咯嗲汁。海鮮食得出鮮味同海水味，特別係蟹腳，但啲蜆有沙或殼，食時要小心啲，而我覺得北海道帶子最好食。慢煮油浸鴨腿鴨肝醬多士幾特別，幾好食，幾夾。墨西哥雞肉餡餅熱辣辣，餅皮包住雞肉、芝士、少少洋蔥，美味。佢有三款醬，我地都覺得牛油果醬最夾。紅酒牛肉闊條麵食落即係肉醬意粉甘，都唔錯，只係望個名會以為會大大舊紅酒燉牛肉姐。海鹽焦糖朱古力慕絲甜度適中，配有一球海鹽焦糖意大利雪糕同糖脆花生，男朋友一早叫左要寫上生日字句。