Video
Read full review
2019-05-22
3937 views
炎熱o既假日午後，獨個兒去o左間文青café 度消磨一番。呢間位於荃灣工廈o既樓上餐廳，用上木檯木地板，亦種o左唔少真o既植物盆栽，鋪頭播住《I can’t help falling in love with you》，情調唔錯。我見到有情侶o係度領下計，亦有人帶埋notebook o黎做野。飯日午餐先有一客餐湯，係蕃茄忌廉湯。上檯o既時候，侍應話係o岩o岩煲好，竟然即叫即整，有d surprised，通常出面大部份餐廳都係一早煲好一大煲。佢飲落幾creamy，比飲開o既蕃茄湯或者羅宋湯味甜。主菜我揀o左蒜香辣椒海鮮意粉($108 未加一)，配上紐西蘭青口同埋虎蝦。d 蝦肉尤其好食，虎蝦會比普通蝦o既鮮味更重，佢肉質結實彈牙，一碟有成三大隻可以慢慢品嚐。再加上兩隻青口，$100 頭成個套餐，感覺尚算抵食。意粉係我喜歡o既硬身口感，加入香蒜片去煮，辣度我俾微辣高一點，配上白肉海鮮剛剛好。餐飲點o左一杯凍flat white (半價加$15。如果叫一般奶茶咖啡唔使加錢)，比latte 奶泡會較少，質感幼滑。不鏽鋼飲管o係揸住o既時候雖然都真係會幾凍，不過望住餐廳裝飾d 花花草草，又諗番頭先
飯日午餐先有一客餐湯，係蕃茄忌廉湯。上檯o既時候，侍應話係o岩o岩煲好，竟然即叫即整，有d surprised，通常出面大部份餐廳都係一早煲好一大煲。佢飲落幾creamy，比飲開o既蕃茄湯或者羅宋湯味甜。
蕃茄忌廉湯
11 views
0 likes
0 comments
主菜我揀o左蒜香辣椒海鮮意粉($108 未加一)，配上紐西蘭青口同埋虎蝦。d 蝦肉尤其好食，虎蝦會比普通蝦o既鮮味更重，佢肉質結實彈牙，一碟有成三大隻可以慢慢品嚐。再加上兩隻青口，$100 頭成個套餐，感覺尚算抵食。意粉係我喜歡o既硬身口感，加入香蒜片去煮，辣度我俾微辣高一點，配上白肉海鮮剛剛好。
蒜香辣椒海鮮意粉
45 views
0 likes
0 comments
蒜香辣椒海鮮意粉
18 views
0 likes
0 comments
餐飲點o左一杯凍flat white (半價加$15。如果叫一般奶茶咖啡唔使加錢)，比latte 奶泡會較少，質感幼滑。不鏽鋼飲管o係揸住o既時候雖然都真係會幾凍，不過望住餐廳裝飾d 花花草草，又諗番頭先行過o黎時身水身汗，都覺得能為環保多出一分力，係值得。
flat white (跟餐加$15)
11 views
0 likes
0 comments
食完個意粉，慢慢坐下飲住咖啡。午餐可以加錢加小食或者甜品，o係稍後o既時間，我最後o益o左一客精選蛋糕(跟餐加$18)。蛋糕有四隻口味可揀，我o係草莓忌廉同宇治抹茶忌廉之間，叫o左後者。上面有住厚厚一層抹荼味栗子蓉，中間有d 紅豆，外面再瀋上抹茶粉同糖霜，香甜不膩。
宇治抹茶忌廉蛋糕 (跟餐加$18)
16 views
0 likes
0 comments
大玻璃以外，係條好繁忙o既行車天橋。然而可以靜靜咁坐o係bar 檯，食舊蛋糕，從裡面慢慢欣賞住外面o既來去匆匆；對比之下，更覺呢一刻自己悠閒舒適。
Post
