龍鳳號 (Under Renovation)

平日食晏時間1點2到餐廳，食咗三個字之後，啲嘢未食完，個侍應已經問個餐仲要唔要。到咗1點8，有個阿姐行埋嚟，叫我哋埋單，因為出面有人等緊。我都係食晏時間嚟坐左半個鐘，其實佢唔叫，我1點10都會走，間餐廳有冇寫到明話食完野就要即刻走，亦都冇講到話要限時。坐得半個鐘就趕人走真係好過份。就食物質素方面，嗌咗個餐，個show食麵餐完全冇特別，淨係個湯叫做好飲少少。另外加咗杯珍珠抹茶，杯嘢要$28。貴得來，又比唔到相應嘅質素俾我。呢間嘢真係冇下次。