百利來美食 (Closed)

朋友話前排食在元朗嘅group好多人推薦呢間百利來，所以我地食完晚飯都嚟試吓😛因為食完晚飯，所以我地都係叫兩款小食同一碗花膠雞湯翅「淺嚐」算啦🤣我冇食到碗翅，所以講唔到覺得佢點😛但我就幾喜歡啲炸燒賣同炸豆腐😆即叫即炸，所以都係熱辣辣㗎！.炸燒賣好大粒，表面層燒賣皮炸得香脆。不過都係叫唔辣好啲，因為啲辣椒油對我嚟講太辣😂炸豆腐我就更愛。呢個豆腐外面炸過，但其實咬開發現入面好滑，加埋我好喜歡嘅蒜蓉一齊食，我鐘意呀🤤.整體價錢不貴，炸燒賣廿蚊有八大粒，炸豆腐廿蚊好似都有七件定八件。不過呢啲炸嘢真係好油膩，感覺燒賣同豆腐都係極吸油嘅食物☺️而間嘢雖然位置係喺熟食中心，但坐嘅地方都ok。