The BASE nature (Closed)

當時前面有一對情侶，我哋有book位但係入座安排都依然好混亂香港地方細就唔使講，不過枱與枱之間真係隔得好埋，好彩都叫有塊板隔一隔提一提，如果坐梳化位後面會有一塊板，當然咁啱隔離個小朋友不斷周圍郁，又郁到塊板，全部食客如果坐喺梳化位都會受影響，會不停震然後講吓落單，都未嗌完嘢食，紮馬尾嘅女侍應就已經好似趕住走咁。最搞笑係我問我個餐係咪有嘢飲，佢眼神超惡咁同我講「係呀咪都係呢啲」，然後杯野都未講要凍定熱就見佢望住出面走咗去，跟住我要離遠好大聲同佢講「我仲想加多個芝士薯格」。。。其實我地就唔係好高要求，不過既然佢收得呢一個價錢，佢嘅服務好似就唔係好對稱。