Luxury (Closed)

聽到朋友介紹話佐敦有間充滿着私人空間嘅西餐。首先餐廳門口比較難尋找，因為係冇招牌㗎。不過推開左花花們之後就會見到一個好靚嘅招牌。鋪頭唔大，但係位置非常寛鬆。【餐前麵包】估唔到同唔同口味嘅牛油咁夾 有海鹽、蕃茄和黑松露。我就覺得海鹽最好味。而且包的外面好，內層又軟熟【日本天使蝦，龍蝦多士】重點係個龍蝦多士。外脆內多肉。咬落去非常之有質感。而且天使蝦真係唔多有㗎，仲咁有咬口。【魚子醬吞拿魚拖羅】口感十足。因為吞拿魚嘅油脂味剛剛好。魚子醬鹹香加吞拿魚茸嘅鮮甜岩岩好【阿拉斯加蟹肉青蘋果柚子沙律配日本清森蘋果Jelly】味道非常清甜，好新鮮嘅感覺【法式干邑龍蝦湯】鮮味充足【黑松露野菌忌廉湯】味道比較濃郁【M5 和牛肉眼】肉眼當然好食啦連配菜都係上成功力【黑毛豬鞍】啱晒啲唔食牛嘅朋友。非常好拗口，肉汁鮮嫩，而且非常之彈牙。配菜都係非常出色。【日本清森蘋果啫喱，乳酪意大利拉奶凍】甜品梗係要嘗試。睇個名都知非常清新。【55度比利時朱古力慕絲桑子蛋糕配香濃朱古力雪糕】朱古力味道非常香濃。裏面啲cream都好滑。值得返兜嘅餐廳。