樂園魚蛋 (亞皆老街)

Open Now

Now Closed

印象中港式粉麵店都係越傳統越好食。 不過傳統就即係舖頭細細或睇落舊舊地既感覺。 今日黎到旺角經過樂園。 一來肚餓好想食, 二黎睇落好光鮮咁, 就入去試下。唔知係咪新開, 入到黎感覺好乾淨, 光猛舒服。 而且係旺角大街有咁大間舖都好唔簡單。一坐底就叫野飲, 又渴又熱。 一杯熱檸蜜，一凍檸茶。 沖得幾好飲, 真係有茶記水準。因為肚餓，同朋友都叫左雙併。秘製牛雜配牛丸幼麵, 秘製牛雜配豬手河粉。原來都幾大碗。 而且雖然係雙併，但都唔會話好少餸。牛雜都好豐富, 有牛肚, 牛蒡, 牛肺, 牛腸。 都係平時少食既野。 牛肺原來係咁, 好似真係未食過, 豬肺就食得多。 而佢既牛丸都好好味, 彈牙, 仲要好有牛味。 唔係一般合成野。 好少咁好味，幾驚喜。而配豬手都唔錯, 大大件, 幾稔下。 估唔到睇落咁新既舖頭都keep到咁傳統既味道。 最緊要價錢都好大眾化。 真係幾唔錯。