滿屋廚房 (Closed)

好耐好耐以前，朋友同我慶祝生日既時候想搵一間影相靚，價錢又唔貴既Café，果時Full House尖沙咀店好多人去，我都係食尖沙咀果間，事隔咁耐，雖然尖沙咀店已經冇左，但之前對店印象都唔錯，係荷里活原來都有分店，咁近我，當然要回味下店舖有一半係做舖頭賣野，一半做餐廳餐牌唔係好多選擇，但都足夠依家好興咩都用「髒髒」兩隻字，佢新出左髒髒雞蛋仔一於試下髒髒雞蛋仔  $22 每一粒都有店舖招牌公仔樣，本身係朱古力味，上面再加左朱古力醬同朱古力粉，唔會太甜，加埋啲醬好邪惡新奧爾良小龍蝦沙律牛角包  $65真係有唔少龍蝦仔肉，食落去好清新，肉質都可以，牛角包焗燶少少就更好！香辣蒜片欖油海蝦意大利粉  $63 有驚喜！入口好香蒜味而且辣辣地，麵質係我中意既硬度，偏硬少少唔會好焾滿屋草莓  $36 比預期中大杯，好高身，不過就一般，冇草莓肉，味道正常冇咩特別食到飽飽，埋單每人都唔洗$100，又唔洗加一又唔會趕人走，食得好舒服，可以再黎既地方