輝哥私房菜 (Closed)

凍凍地，緊係約埋朋友打邊爐啦！唔想去酒樓咁多人又嘈，朋友搵咗輝哥私房菜，咁就即管去試吓啦！老闆娘介紹呢個火麻茶係來自廣西，飲咗夜晚會瞓唔着，仲有清熱排毒效果另外我哋仲叫咗佢哋自家製嘅桂圓菊花，好潤，超正！湯底要左胡椒豬肚花甲鍋，岩哂秋冬，夠暖胃！娃娃菜另外叫左雲吞、蓮藕片、白鱔片、脆鯇魚腩，雲吞超大隻，好足料！蝦又鮮味！不得不提佢啲白鱔片完全冇骨絲，可以一啖放入口食，好新鮮！鯇魚腩真係好脆好好食，一啲都唔腥！農家雞亦係我哋至愛！日本廣島蠔，超鮮味！滾完唔會縮哂水！手打芝士蝦丸，芝士比例岩岩好第一次食紫淮山，口感唔錯！黑木耳夠爽口總括坐得舒服，服務周到，店員同老闆娘態度都非常好，下次打邊爐都會再嚟！