新寧餐廳

Open Now

Now Closed

新寧餐廳其實 （在禮頓中心舊店）已經幫襯，出名燒牛肉 （但要星期五，六，日先供應），新店 利舞台 都是第一次來，餐廳服務及環境確實不錯，燈光暗暗地，帶男友，女友來幾好，慢慢上菜，慢慢嘆下，傾下偈，（趕時間千萬別來，由落單到食物上檯，慢。。）。柯打 兩個晚市套餐，羊扒餐，焗田螺西冷牛扒餐，唷，羊扒非常好好味，七成熟度，煮法，肉質都好，好羊肉的朋友，實會滿意。西冷牛扒就普普通通，反而田螺焗得唔錯，亦很美味。餐湯，亦佳，似番個湯，唔會變汁，蘑菇夠多，忌廉湯亦似即煮，不似一大煲煮定。麵包都要讚揚，侍應拿來一大籃麵包，有不同類型，隨你選擇，多少亦得，雖然成本其實不高，但感覺一線高級餐廳。