漁釧 (將軍澳中心) (Closed)

去朋友屋企放低啲物資後，諗住食埋個飯先返去，就揀左間門面幾靚嘅日本菜。環境係坐得鬆動，台同台之間有距離。餐牌就同一般日本餐廳差唔多，有壽司、刺身、串燒同熱食，價錢以將中地段黎講算中價位。🥢燒牛肉沙律牛肉煎得幾香，雖然比較薄身，但唔會難咬，仲有啲油脂感，而沙律個汁有啲啲泰式感。整體味道幾好，但唔似日本餐廳出品。🥢京蔥雞肉串呢個唔推薦，好似零調味，又無汁醬點，食落好dry。🥢炭火燒雞落單時店員有提醒我地，隻雞黑麻麻唔係燶，係個醬汁嘅色。係日本時都好鐘意食炭火燒雞，香港用嘅雞絕對唔係日本個種彈牙，但都算惹味，又唔會油淋淋。🥢燒青花魚燒得岩岩好，魚身仲滑。附送個汁有陣菠蘿汁味，夾埋又幾fresh，推薦。🥢極上四色刺身丼丼飯份量夠兩個人食，上面嘅魚生幾新鮮，特別係三文魚，好肥美。