GOCHISO (Closed)

今日同朋友行街行到攰， 行行下k11經過呢間餐廳，見到餐牌啲嘢食好似幾吸引，價錢亦都唔算貴，平均樣樣食物都係幾十蚊，見到入面啲枱凳都好似坐得好闊落，於是就決定入去試下，四個人佢畀左張大卡位我哋，椅背好高好闊落，野食都係一般西餐廳既野食，但係佢最特別係啲意粉分左有大碟裝同細碟裝叫，如果人少少又想試多啲唔同既野就可以叫細碟裝，不過我哋四個人當然樣樣叫曬大碟裝啦， 沙律幾好食，我哋叫咗個凱撒沙律 ，沙律上面有少少醋，蔬菜同配料都幾新鮮幾，幾好味，於事就加多個三文魚芝士粒，三文魚好新鮮， 原來三文魚配芝士一齊食個味道係咁特別同咁好食 ，蜆肉意粉啲蜆雖然唔係好大隻，但係好乾淨係清甜嘅，但係個人就比較鍾意蠔肉露筍意粉多啲 ，碟意粉落枱嗰時好似冇咩豪咁，點知一路食發現原來意粉入面係有好多豪，差唔多有十隻，我地另外仲叫咗一份肉眼扒，三成熟，不過可能因為塊扒比較薄，所以一煎就好易熟，黎到嘅時候個感覺大約係五成熟，一半生一半熟，不過味道唔錯，肉質唔會覺得鞋 ，一路食都有啲肉汁，塊扒嘅肉味亦都幾濃唔錯唔錯，尖沙咀區呢個價錢呢個質素，我朋友飲左杯奇異果特飲，我就叫左杯朱古力茶，奇異果特飲啲奇異果應該有浸過糖水