Doppio Caffé (Closed)

今次真係驚喜，估唔到粉嶺區會有咁舒適嘅cafe。不過唔易搵，要行入屋苑嘅內圍先至見到。Cafe嘅牆上掛住幅好大嘅地圖，旁邊就掛住兩架裝飾嘅單車，感覺文青，而坐位都好舒適，可以hea上兩三小時。我點咗香草雞肉意粉，跟餐可以選沙律/湯+飲品。意粉較乾身，雞肉整得幾好食，賣相唔錯，份量都算足。我選餐湯，是清甜嘅甘筍粟米蕃茄湯，材料都係打碎嘅，幾好味，餐飲我要熱蜂蜜菊花茶，感覺似紙包飲品果d菊花茶。由於係客人先去柜枱付款，然後拎個數字牌搵位坐低等待應送餐，所以冇加一，價錢$62﹐合理。