Jaspas Restaurant (Closed)

其實嚟過呢間餐廳食午餐好多次，以前由佢98蚊食到而加128蚊一位。前菜可揀湯或者一次性嘅沙律吧，每次必揀沙律吧，嚟呢間餐廳最鍾意都係食佢個沙律吧。沙律吧大約有6款菜式選擇，款款都有經過調味，還算不錯。今次嘅主菜就揀咗pizza同意粉，pizza都ok的。對得住個價錢，但意粉就食材太少，得啲貝殼仔同魷魚，調味都稍為吾夠。個午餐跟埋甜品，今次係carrot cake，有時都會係朱古力蛋糕或者係焦糖燉蛋。最後我嗌咗杯latte，就要再加20蚊。雖然唔係特別好食，但係個價錢都OK啦。