八居酒屋 (旺角新城)

Open Now

Now Closed

同事鐘意窿捐罅搵嘢食，今日帶我去一間樓上日式料理店。傳統日式料理店格局，座位舒適闊落，用QR code 落單，方便快捷😉。定食前菜麵豉湯：熱辣辣，麵豉香味香濃。茶碗蒸：蛋花非常滑漏，有冬菇、雞肉及蟹柳，味道豐富又好食。蘿蔔漬：口感爽脆，酸酸甜甜，非常醒胃。銀雪魚西京燒定食 $184.-西京味噌醃漬過的銀雪魚，醃得入味，味道香甜又唔會好鹹。煎香後質感依然嫩滑，有陣陣油香味，餸飯一流😍。清湯牛肉稻庭烏冬定食 (細碗) $156.-烏冬口感滑溜彈牙，湯底清甜，牛肉片加上海帶及蔥絲，味道更加鮮香豐富😋。跟壽司五貫三文魚、北寄貝、油甘魚、金目鯛及蟹柳，刺身新鮮清甜，比較驚喜竟然有金目鯛😃。午市定食優惠追加唐揚炸雞兩件 $28.-大大件炸雞，外層炸得非常香脆，雞肉依然嫩滑多汁，熱辣辣非常好食🥰。白桃梳打及巨峰乳酸梳打冰涼酸甜又帶氣，最啱解渴消膩。惠顧午市套餐，有免費雪糕😀。豆腐味及伯爵茶味，兩款雪糕味道都幾突出，食完甜品更覺滿足😁。