沐浴咖啡 (Closed)

和朋友嚟天水圍濕地公園，佢介紹一間叫沐浴咖啡店，門面幾有創意，一個大浴缸上放玻璃變成一張四人大枱，其他位置坐得舒，空間感不錯，我哋分別叫咗兩個午餐，可以加12蚊要有奶嘅咖啡，當然就點latte咖啡啦! 朋友就點咗mocha咖啡！午餐有南瓜湯或者沙律選擇，咁我哋當然想試南瓜湯啦！啲湯用隻大嘅咖啡杯裝住都幾特別！但份量唔多。至於朋友點嘅雞肉沙律，食落啲沙律都幾新鮮；我點嘅鰻魚西班牙飯！就有驚喜喎！西班牙飯真係炒得好有西班牙風味，唔會好似其他餐廳咁樣淋曬，有啲咬口，咁先係西班牙飯嘅特色！鰻魚就ok啦！味度唔錯！兩杯咖啡來到嘅時候個拉花都拉得幾靚，我哋點咗個朱古力蛋糕嚟送咖啡，蛋糕都算軟滑！整體餐廳表現很好！