Relish Kitchen by ALOT (Renamed) View

第一次來新商場，呢個商場入邊嘅餐廳全部都好大，我哋就揀咗呢間坐得特別寬敞，樓底非常高，環境好舒服，仲有lunch set，價錢合理同小朋友坐低試吓。午餐可以有餐湯/沙律，主菜，加錢可以飲特色飲品，見到今日餐湯係粟米南瓜湯，超級Creamy，味道濃郁，小朋友非常鍾意飲晒一整碗。海鮮扁意粉，意粉軟硬度啱啱好，有好多海鮮包括有帶子，大蝦，全部都彈牙爽口，同埋有好多姑姑，唔同口感非常好味。龍蝦辣意粉，有半隻龍蝦，已經起咗肉，用芝士焗起，意粉係蕃茄醬煮，配埋龍蝦，配合得好好，辣辣地食得特別開胃。餐飲加$30+ 我哋叫咗杯凍朱古力，同埋綠茶鮮奶，以凍飲嚟講好似細杯咗少少，不過味道就非常濃郁，好好味。小朋友食到津津有味，呢度仲有好多唔同嘅甜品，叫咗一個綠茶蛋糕好似雪糕條嘅造型，唔止可以打卡，味道亦都好好，綠茶mousses ，配埋入邊有吉士同紅豆醬，一個咁舒服嘅環境食咗個豐富嘅午餐，真係感覺非常滿足。